جیکب آباد: رپورٹ ایم ڈی عمرانی ۔
جیکب آباد پولیس کی کاروائیاں، پولیس مقابلوں میں تین ملزمان گرفتارکرنے کا دعویٰ۔ تفصیلات کے مطابق جیکب آباد کی تحصیل ٹھل کے اے سیکشن تھانہ کی حدود عمر کھوئی پل کے قریب پولیس اور جرائم پیشہ افراد کے درمیان فائرنگ کا تبادلہ ہوا جس میں پولیس نے ایک ملزم مقیم ملغانی کو زخمی حالت میں گرفتار کرلیا، زخمی ملزم کو علاج کے لیے اسپتال منتقل کیا گیا، پولیس ترجمان کے مطابق ملزم کے دیگر 3 ساتھی فرار ہونے میں کامیاب ہوگئے جبکہ گرفتار ملزم کے قبضے سے ایک پستول بھی برآمد کی گئی ہے۔ علاوہ ازیں جیکب آباد کے مولاداد تھانہ کی حدود بھیا لاڑو کے مقام پر بھی پولیس کا ڈاکوؤں سے مقابلہ ہوا جس میں پولیس نے دو ملزمان مرتضیٰ اور سلیم دشتی کو گرفتار کرکے 2 بغیر لائسنس پستول بھی برآمد کرلیے، پولیس کے مطابق مقابلے کے دوران گرفتار ملزمان کے دیگر 4 ساتھی فرار ہونے میں کامیاب ہوگئے، گرفتار تینوں ملزمان کے خلاف مقدمہ درج کرلیا گیا ہے۔
جیکب آباد : رپورٹ ایم ڈی عمرانی ۔
تھانے سے فرار ہونے والے 2 ملزمان کی ڈیلنگ کی بعد پولیس نے ڈرامائی انداز میں گرفتاری ظاہر کردی۔ تفصیلات کے مطابق جیکب آباد کی تحصیل ٹھل کے بی سیکشن تھانہ کے لاکپ سے گزشتہ روز فرار ہونے والے دو ملزمان کی پولیس نے ڈرامائی انداز میں دوبارہ گرفتاری ظاہر کردی ہے، پولیس ترجمان کی پریس رلیز کے مطابق سٹی تھانہ پولیس نے چیکنگ کے دوران پتھر موڑ کے قریب دو ملزمان نصیر عرف ڈاڈو گلوانی جکھرانی اور حنیف گلوانی جکھرانی کو گرفتار کرلیا اور ملزمان کے قبضے سے 2 ٹی ٹی پسٹل اور ایک مسروقہ موٹر سائیکل برآمد کی گئی ہے، واضح رہے کہ مذکورہ دونوں ملزمان کو ایک ہفتہ قبل صدر تھانہ کی پولیس نے لنک روڈ قصبہ محمد علی بروہی کے قریب سے گرفتار کیا تھا جن کو مختلف تھانوں میں رکھا جارہا تھا، ذرائع کے مطابق مذکورہ دونوں ملزمان گزشتہ روڈ بی سیکشن تھانہ سے فرار ہوگئے تھے، پولیس کی جانب سے اب دوبارہ ان کی دوسری جگہ کاروائی میں ان کی گرفتاری ظاہر کی جارہی ہے جبکہ پولیس کی جانب سے گرفتار ملزمان کو میڈیا کے سامنے پیش بھی نہیں کیا گیا جس کی وجہ سے شکوک و شبہات پیدا ہورہے ہیں، دوسری جانب اہم ذرائع سے معلوم ہوا ہے کہ فرار ہونے ملزمان کی دوبارہ گرفتاری ڈیل کے تحت ہوئی ہے جس میں طے پایا کہ ملزمان کو ہاف فرائی نہیں کیا جائے اور نہ انہیں ریمانڈ پر جیل منتقل کیا جائے گا، ملزمان گرفتاری کے بعد سٹی تھانہ کی پویس نے انہیں عدالت میں پیش کیا پولیس نے ملزمان کو جیل بھیجنے کی استدعا کی جس پر عدالت نے ملزمان کو جیل بھیج دیا۔
جیکب آباد: رپورٹ ایم ڈی عمرانی ۔
جے یو آئی سندھ کے ترجمان ڈاکٹر اے جی انصاری نے کہا ہے کہ 27 ویں آئینی ترمیم انسانیت کش ہوگی اس لیے ملک کی تمام سیاسی جماعتوں کو اعتماد میں لیا جائے، سندھو دریا پر 6 کینال نکالنے کے سازشی منصوبے کو کامیاب نہیں ہونے دیں گے کیونکہ وہ سندھ کی آباد زمینوں کو بنجر بنانے کے مترادف ہوگا۔ ان خیالات کا اظہار انہوں یو سی رندواہی کی مجلس عمومی کے اجلاس سے جامع مسجد گاؤں عبدالعزیز خارانی میں خطاب کرتے ہوئے کیا، اس موقع پر امیر اور جنرل سیکریٹری نے یوسی رندواہی کے عہدیداران کا اعلان بھی کیا۔ جس میں سرپرست مولانا تاج محمد خارانی، مولانا عبدالقادر بروہی، مولانا عبد الحق بروہی، محمد خان بہرانی، امیر کرم اللہ خارانی، نائب امراء خیر بخش جتوئی، جنگل خان خارانی، علی اکبر بروہی، نصیب اللہ بھرانی، شریف اللہ خارانی، جنرل سیکریٹری ایم اطہر حقانی، ناظمین ولی محمد خارانی، ممتاز علی بھرانی، مولانا عطا اللہ، سجاد علی بروہی، پریس سیکریٹری حافظ اسد اللہ حیدری، ناظم مالیات جلیل احمد خارانی، سالار عبدالوھاب جتوئی سمیت 5 رضاکار منتخب کئے گئے، اجلاس میں عہدیداران نے دین و دھرتی کے لیے جدوجہد کا عزم کیا اور یوسی کی جانب سے 28 نومبر کو سکھر سندھ باب الاسلام کانفرنس میں 3گاڑیوں کے قافلے سمیت شرکت کرنے کا اعلان کیا گیا۔
جیکب آباد: رپورٹ ایم ڈی عمرانی ۔
جیکب آباد شہر کی اہم ترین شاہراہوں پر ٹریفک جام کا مسئلہ سنگین صورت اختیار کرگیا، شہریوں کو مشکلات کا سامنا۔ تفصیلات کے مطابق جیکب آباد شہر کی اہم ترین شاہراہوں قائد اعظم روڈ،ڈی سی چوک، پریس کلب روڈ، ٹاور روڈ، بس اسٹینڈ روڈ، اولڈ میونسپل روڈ، آدم خان پہنور روڈ، امام سینٹر روڈ سمیت شہر کی تمام مارکیٹوں میں ٹریفک جام کا مسئلہ سنگین صورت اختیار کرچکا ہے گھنٹوں گھنٹوں ٹریفک جام ہونے کی وجہ سے شہریوں کو شدید مشکلات کا سامنا کرنا پڑ رہا ہے، روزانہ ٹریفک جام ہونے کے باوجود شہر بھر میں ٹریفک پولیس کی جانب سے کوئی اقدامات نہیں کئے گئے، شہریوں کا کہنا ہے کہ شہر کی سڑکیں ٹوٹ پھوٹ کا شکار ہیں اور دوکاندار اپنے دوکانوں کے باہر روڈ تک سامان رکھ کر بیٹھے ہوئے ہیں جبکہ شہر کی ہر شاہراہ و گلی میں ریڑھی والوں کی بھر مار ہیجس کی وجہ سے ٹریفک جام کا مسئلہ ہورہا ہے، جبکہ ٹریفک پولیس کے اہلکار نہ ہونے کی وجہ سے ٹریفک کی روانی جام ہورہی ہے، شہریوں نے مطالبہ کیا کہ شہر میں ٹریفک کا نظام درست کرکے شہریوں کی مشکلات کو کم کیا جائے۔
جیکب آباد: رپورٹ ایم ڈی عمرانی ۔
جیکب آباد میں مچھر مار اسپرے نہیں ہوا، سینکڑوں شہری ملیریا میں مبتلا۔ تفصیلات کے مطابق جیکب آباد میں مچھروں کی بہتات کے باوجود محکمہ صحت اور میونسپل انتظامیہ کی جانب سے مچھر مار اسپرے نہیں کرایا گیا جس کی وجہ سے سینکڑوں شہری ملیریا جیسی جان لیوا میں بیماری میں مبتلا ہوچکے ہیں، ملیریا کی بیماری میں اضافے کے باعث سرکاری و پرائیوٹ اسپتالیں مریضوں سے بھری پڑی ہیں، ملیریا میں زیادہ تر بچے مبتلا ہیں، شہریوں نے مطالبہ کیا ہے کہ شہر بھر میں فلفور مچھر مار اسپرے کرکے شہریوں کو ملیریا جیسی جان لیوا بیماری سے بچایا جائے۔
===================================
Sohaib Super Store
·
اجرک سوٹ 3 پیس
سندھی کڑاھی شرٹ دوپٹہ کڑھائی کے ساتھ
3,000/- روپے ……
( 03094386375 )
WhatsApp
8 رنگ والا بلوچی کڑاھی سوٹ
قیمت 4,000 روپے
( 03094386375 )
WhatsApp
Embroidery Ladies Suit
( 3,000/- )روپے
For Order Please Contact
( 03094386375 )
WhatsApp
=====================================
بیرون ملک بہترین تعلیم کے لیے کنسلٹنٹ سے رہنمائی حاصل کریں ،ابھی رابطہ کریں
بیرون ملک بہترین تعلیم کے لیے کنسلٹنٹ سے رہنمائی حاصل کریں ،ابھی رابطہ کریں۔
تفصیلات کے مطابق ایسے نوجوان طلبا طالبات جو بیرون ملک اعلی تعلیم حاصل کرنے کے خواہش مند ہیں اور بہترین انٹرنیشنل یونیورسٹیز اور کالجز میں داخلہ حاصل کرنا چاہتے ہیں اور اسٹڈی ویزا یا اسٹوڈنٹ ویزے پر باہر جانا چاہتے ہیں انہیں کب کہاں کیسے داخلہ مل سکتا ہے
ان کی مطلوبہ کوالیفیکیشن کیا ہے کون سی دستاویزات درکار ہوتی ہیں مختلف یونیورسٹیز اور کالجز کی فیس کتنی ہے ادائیگی کیسے ہوتی ہے کتنے عرصے
کا کورس ہوتا ہے اور کتنے عرصے کا ویزا ملتا ہے جو اسٹوڈنٹ پاکستان سے جا کر باہر بڑھ رہے ہیں ان کے تجربات کیا ہیں جو بیرون ملک جانا چاہتے ہیں ان کو کیا تیاری کرنی چاہیے بہترین اعلی تعلیمی مواقع کہاں کہاں پر میسر ہیں پاکستانی اسٹوڈنٹس ان مواقع سے کب کیسے کہاں فائدہ اٹھا سکتے ہیں یہ اور اس طرح کے اور بہت سے سوالات کا جواب حاصل کرنے اور مستقبل کے کیریئر کی رہنمائی کے
لیے ہمارے پاکستان اور بیرون ملک موجود کنسلٹنٹ سے رہنمائی حاصل کرنے کے لیے ابھی رابطہ کریں اپنے کوائف فون نمبر اور ای میل جیوے پاکستان کے ای میل
Jeeveypakistan@yahoo.com
اور واٹس ایپ
03009253034
پر ارسال کریں ۔ کنسلٹنٹ کی ٹیم خود آپ سے رابطہ کرے گی اپنی دستیابی اور وقت کی سہولت کے حوالے سے آپ خود بتائیں ۔
=========================
