لودھراں: 85 کلو کی گندم کی بوری اٹھا کر 200 میٹر تک دوڑ

لودھراں: 85 کلو کی گندم کی بوری اٹھا کر 200 میٹر تک دوڑ
ضلع لودھراں کی تحصیل کہروڑپکا میں 85 کلو کی گندم کی بوری اٹھا کر 200 میٹر تک دوڑنے کا مقابلہ ہوا۔

اس مقابلے میں 18 مزدوروں نے حصہ لیا اور محمد جہانگیر نے یہ مقابلہ جیت کر 20 ہزار روپے کا انعام حاصل کیا۔

محمد اعظم مقابلے میں دوسرے جبکہ تنویر احمد نے تیسری پوزیشن حاصل کی۔
=====================

رواں سال ٹی20 ورلڈ کپ میں منفرد ریکارڈ بننے کا امکان
رواں سال ویسٹ انڈیز اور امریکا کی میزبان میں ہونے والے ٹی 20 ورلڈکپ میں منفرد ریکارڈ بننے کا امکان پیدا ہوگیا۔

رواں سال ٹی ٹوئنٹی ورلڈ کپ میں پاک بھارت میچ کے وی وی آئی پی ٹکٹ ہزاروں نہیں، لاکھوں بھی نہیں بلکہ تقریباً ڈیڑھ کروڑ روپے میں فروخت ہونے کا امکان ہے۔

پاک بھارت میچ 9 جون کو نیویارک میں شیڈول ہے۔ آئی سی سی نے ٹکٹ کی کم سے کم قیمت 6 ڈالر اور زیادہ سے زیادہ 400 ڈالر رکھی ہے۔

دوسری طرف ری سیل ویب سائٹ پر پاک بھارت میچ کے وی آئی پی ٹکٹ 40 ہزار ڈالر سے زائد میں فروخت ہونے کا امکان ہے۔

اس پر شائقین کو 10 ہزار ڈالر ٹیکس بھی ادا کرنا ہوگا۔ جس کے بعد ٹکٹ کی مجموعی قیمت 50 ہزار ڈالر یعنی 1 کروڑ 40 لاکھ پاکستانی روپے بنتی ہے۔