عدالت نے کمشنر کراچی، میئر کراچی،ڈی آئی جی ٹریفک سمیت دیگر کو طلب کرلیا

چارجڈ پارکنگ کیس کا معاملہ    عدالت نے کمشنر کراچی، میئر کراچی،ڈی آئی جی ٹریفک سمیت دیگر کو طلب کرلیا چارجڈ پارکنگ مافیا شہریوں سے اضافی فیس وصول کررہی ہے جبکہ نہ دینے پرسنگین نتائج کی دھمکیاں دی جاتی ہیں، درخواست گزار چیئرمین گلوبل فاﺅنڈیشن چارجڈ پارکنگ مافیا کی وجہ سے شہر میں بدترین ٹریفک جام ہونے معمول بن گیا ہے، ایڈوکیٹ سپریم کورٹ ناصر رضوان خان
کراچی (اسٹاف رپورٹر) شہر قائد میں جاری چارجڈ پارکنگ مافیا کیخلاف گلوبل فاﺅنڈیشن نے عدالت سے رجوع کرلیا، عدالت نے میئر کراچی ، کمشنر کراچی، ڈی آئی جی ٹریفک، ڈائریکٹر چارجڈ پارکنگ کے ایم سی سمیت دیگر کو نوٹس جاری کرتے ہوئے آئندہ سماعت پر طلب کرتے ہوئے تفصیلی جواب طلب کرلیا۔ تفصیلات کےمطابق گلوبل فاﺅنڈیشن کے چیئرمین محمد احمد داﺅد نے اپنی وکلا ٹیم کے ہمراہ ایڈوکیٹ سپریم کورٹ ناصر ضوان خان کی قیادت میں چارجڈ پارکنگ مافیا کیخلاف سندھ ہائی کورٹ میں درخواست دائر کی تھی جس کی سماعت گزشتہ روز جسٹس سید حسن اظہر رضوی اور جسٹس کوثر سلطانہ پر مشتمل دو رکنی بینچ نے کی ۔ درخواست گزار نے عدالت میں یہ موﺅقف اختیار کیا کہ چارجڈ پارکنگ مافیا شہریوں سے اضافی فیس وصول کررہی ہے جبکہ نہ دینے کی صورت میں شہریوں کو سنگین نتائج کی دھمکیاں بھی دی جاتی ہے جبکہ شہر میں غیر قانونی طور پر چارجڈ پارکنگ مافیا نے قبضہ جمالیا ہے جس کی وجہ سے شہر میں بدترین ٹریفک جام ہونے معمول بن گیا ہے۔ شہریوں سے اضافی چارجڈ پارکنگ فیس کی شکایات معمول بن گئی جس پر پولیس نے بھی خاموشی اختیار کی ہوئی ہے۔ شہری اضافی فیس نہ دے تو پارکنگ مافیا کے کارندے ٹریفک پولیس کی مدد سے شہریوں کی موٹر سائیکل اور گاڑیوں کو لفٹ کروادیتے ہیں جسکے باعث شہریوں کو شدید پریشانی کا سامنا کرنا پڑتا ہے۔ عدالت نے گلوبل فاﺅنڈیشن کے موو ¿قف پر درخواست کو قابل سماعت قرار دیتے ہوئے ایڈوکیٹ جنرل، میئر کراچی، کمشنر کراچی، ڈی آئی جی ٹریفک کراچی، ڈائریکٹر چارجڈ پارکنگ کے ایم سی اور ڈی ایم سی ساﺅتھ کو نوٹس جاری کرتے ہوئے آئندہ سماعت پر طلب کرتے ہوئے تفصیلی جواب جمع کرانے کی ہدایت کردی۔ جاری کردہ (محمد احمد داﺅد) 03002159899

اپنا تبصرہ بھیجیں