امریکی صدر ڈونلڈ ٹرمپ پر 20 لاکھ ڈالر جرمانہ عائد

ین الاقوامی خبر رساں ادارے کے مطابق نیویارک کی عدالت میں صدر ٹرمپ کے خیراتی ادارے کے فنڈز کے غلط استعمال کیخلاف دائر درخواستوں پر سماعت ہوئی، امریکی صدر نے اٹارنی جنرل کے ذریعے خیراتی فنڈز کے ذاتی استعمال کا اعتراف کیا جس پر جج نے ڈونلڈ ٹرمپ پر جرمانہ عائد کردیا۔

امریکی صدر ڈونلڈ ٹرمپ نے عدالتی فیصلے پر ناراضی کا اظہار کرتے ہوئے کہا ہے کہ میں واحد شخص ہوں جو نیویارک میں سب سے زیادہ امدادی کام کرتا ہے، میں نے چیریٹی میں 19 ملین (ایک کروڑ 90 لاکھ ) ڈالر خرچ کئے ہیں، فیصلہ سیاسی انتقام ہے جس کا سلسلہ 4 سال سے جاری ہے۔

جج کا تحریری فیصلے میں کہنا تھا کہ امریکی صدر نے اپنے بیان میں اعتراف کیا کہ انہوں نے صدارتی انتخابات کے دوران مہم چلانے والی ٹیم کو خیراتی ادارے ’ٹرمپ فاؤنڈیشن‘ کے ذریعے فنڈز اکٹھا کرنے کی ہدایت کی تھی جس کا غلط استعمال کیا گیا تاہم ڈونلڈ ٹرمپ نے نہ تو اس پر معذرت کی اور نہ ہی اس عمل کو غیر قانونی سمجھا۔

امریکی صدر کے وکلاء اور اٹارنی جنرل کے درمیان ’’ٹرمپ فاؤنڈیشن‘ کو تحلیل کرکے اس کے 1.7 ملین ڈالر فنڈز کو 8 غیر منافع بخش اداروں میں تقسیم کرنے پر اتفاق ہوگیا، جبکہ ٹرمپ اس سے پہلے کسی بھی ’سیٹلمینٹ‘ سے انکار کرتے رہے تھے