دو سر والے سانپ کی ویڈیو وائرل

بیجنگ: چین کے کسان نے دو سر (منہ) والے سانپ کی ایسی ویڈیو شیئر کی جس دیکھ کر لوگ دنگ رہ گئے۔

سماجی رابطے کی ویب سائٹ پر چینی نشریاتی ادارے پیپلز ڈیلی چائنا نے 17 سیکنڈ کی ویڈیو شیئر کی جس میں دیکھا جاسکتا ہے کہ دو سر والا سانپ زمین پر چل رہا ہے۔

یہ سانپ جنوبی چین کے علاقے شین ژاو میں دیکھا گیا جس کو دیکھتے ہی کسان نے ویڈیو بنائی اور پھر یہ کہیں غائب ہوگیا۔

کسان کا کہنا ہے کہ وہ اپنی زمینوں پر کام کررہا تھا کہ اسی دوران اُسے سر سراہٹ محسوس ہوئی جس کے بعد اُس نے توجہ دی تو دیکھا وہاں سانپ موجود تھا۔

انہوں نے بتایا کہ ’’میں فصلوں میں چھپے سانپ کو دیکھنے کے لیے موبائل لے کر گیا تاکہ روشنی کر کے دیکھ سکوں مگر یہ وہاں سے بھاگا اور کھلّے میں آگیا جس کے بعد اسے دیکھ کر میں خود حیران رہ گیا کیونکہ سانپ کے دو سر تھے
کسان کا کہنا ہے کہ اب تک کی زندگی میں سیکڑوں سانپ دیکھ چکا مگر یہ پہلی بار تھا کہ دو سر والا سانپ میرے سامنے تھا، اس لیے میں نے اس کی ویڈیو بنائی۔

چینی نشریاتی ادارے کی شیئر کردہ ویڈیو پر صارفین نے مختلف کمنٹس بھی کیے اور کچھ نے اسے ڈرامہ قرار دیا