سلیکٹڈ وزیر اعظم کا استعفی ہی پاکستانی عوام کے مسائل کا واحد حل ہے-پاکستان مسلم لیگ(ن)

   سلیکٹڈ وزیر اعظم کا استعفی ہی پاکستانی عوام کے مسائل کا واحد حل ہے. قائد نواز شریف نے جمہوریت کی خاطر کارکنوں کو ایک سال تک روکے رکھا لیکن اب پاکستان مسلم لیگ(ن) ملک اور قوم کو مزید نا اہل حکمرانوں کے رحم و کرم پر نہیں چھوڑ سکتی. یاسر عدیل شیخ..صوبائی صدر مسلم اسٹوڈنٹس فیڈریشن سندھ (جمعرات   17اکتوبر 2019 ( مسلم  اسٹوڈنٹس فیڈریشن(ن) کے صوبائی صدر یاسر عدیل شیخ نے کہا ہے کہ ایم ایس (ن) سندھ نا اہل حکمرانوں کے خلاف تحریک میں ہراول دستے کا کردار ادا کرے گی. مسلم اسٹوڈنٹس فیڈریشن کے گلگت بلتستان، خیبرپختونخوا، بلوچستان، پنجاب، آزاد کشمیر اور سندھ کے صوبائی صدور عمران خان کی رخصتی کی تحریک میں اپنے اپنے صوبوں سے احتجاجی کاروانوں کی قیادت کرتے ہوئے اسلام آباد پہنچیں گے. مسلم اسٹوڈنٹس فیڈریشن(ن) سندھ کے صدر یاسر عدیل شیخ صوبائی جنرل سیکریٹری عاقب تنولی، کراچی ڈویژن کے صدر سردار ریحان کے ہمراہ ایم ایس سندھ کے کارکنوں کے وفد سے گفتگو کر رہے تھے جو میرپور خاص، عمرکوٹ، تھرپار کر، سانگھڑ کے اضلاع سے صوبائی صدر کے ساتھ ملاقات کے لئے مسلم لیگ(ن) ہاؤس کارساز کراچی پہنچے تھے. صوبائی صدر یاسر عدیل شیخ نے صوبائی رہنماؤں اور کارکنوں کو میاں محمدنواز شریف کے ساتھ کوٹ لکھپت جیل میں  ہونے والی اپنی ملاقات کی تفصیل سے آگاہ کرتے ہوئے کہا کہ میاں محمد نواز شریف اور محترمہ مریم نواز شریف کی تمام تر امیدوں کا مرکز مسلم اسٹوڈنٹس فیڈریشن(ن) کے کارکن ہیں جو پاکستام مسلم لیگ(ن) کا انتہائی قیمتی سرمایہ ہے. میاں نواز شریف کا حکم ہے کہ ایم ایس ایف(ن) کے کارکن اور ذمہ داران سلیکٹڈ وزیر اعظم کے خلاف احتجاجی تحریک میں بڑھ چڑھ کر حصہ لیں اور اس وقت تک گھروں کو واپسی کا فیصلہ مؤخر کردیں جب تک کہ موجودہ مسلط اور نا اہل حکمرانوں سے قوم کو نجات نہیں مل جاتی. ایم ایس ایف(ن) سندھ کے صدر یاسر عدیل شیخ نے کہا کہ قائد میاں محمد نواز شریف اور مستقبل کی وزیر اعظم محترمہ مریم نواز شریف کا متفقہ فیصلہ ہے کہ  سلیکٹڈ وزیر اعظم کا استعفی ہی پاکستانی عوام کے مسائل کا واحد حل ہے. قائد نواز شریف نے جمہوریت کی خاطر کارکنوں کو ایک سال تک روکے رکھا لیکن اب پاکستان مسلم لیگ(ن) ملک اور قوم کو مزید نا اہل حکمرانوں کے رحم و کرم پر نہیں چھوڑ سکتی.                                                                                                                                                                                                                                                                                                                                                                                                                                                                                                                                                                     جاری کردہ: میڈیا سیل                مسلم اسٹودنٹس فیڈریشن (ن) سندھ                 رابطہ:0321-9220000 

اپنا تبصرہ بھیجیں