پاکستان کرکٹ ٹیم کی میچ میں سیاہ پٹیاں باندھ کر شرکت

سیلاب متاثرین سے اظہار یکجہتی کے لیے پاکستان کرکٹ ٹیم نے بھارت کے خلاف میچ میں بازوؤں پر سیاہ پٹیاں باندھ کر شرکت کی۔

کپتان بابر اعظم نے کہا کہ پاکستان میں سیلاب کی وجہ سے مشکل وقت آیا ہے، متاثرین کی مدد کریں گے۔
دوسری جانب پاکستان کرکٹ بورڈ نے انگلینڈ کے خلاف پہلے ٹی 20 کی گیٹ منی پرائم منسٹر فلڈ ریلیف فنڈ میں دینے کا اعلان کیا ہے۔

چیئرمین پی سی بی رمیز راجہ کا کہنا تھا کہ شائقین بڑی تعداد میں اسٹیڈيم آئیں تاکہ سیلاب زدگان کی مدد ہوسکے۔