معروف کامیڈین اداکار مسعود خواجہ انتقال کرگئے

لاکھوں دلوں پر راج کرنے والے ٹی وی اور اسٹیج ڈراموں کے مزاحیہ فنکار مسعود خواجہ انتقال کرگئے۔

ٹی وی اور اسٹیج ڈراموں کے مزاحیہ فنکار مسعود خواجہ کے انتقال کی تصدیق اُن کے اہلخانہ نے کی۔

اہلخانہ کے مطابق مسعود خواجہ کا گردوں کی بیماری کے باعث ڈائیلاسز چل رہا تھا۔

ذرائع کے مطابق اداکار مسعود خواجہ گزشتہ روز سے راولپنڈی کے ہولی فیملی اسپتال میں زیرِ علاج تھے۔

واضح رہے کہ مسعود خواجہ کا شمار پاکستان کے اُن مشہور کامیڈین فنکاروں میں ہوتا ہے جنہوں نے لاکھوں دلوں پر راج کیا اور اپنے فن سے لوگوں کو خوب ہنسایا۔