شوگر نامی گھوڑی کی ادا سوشل میڈیا صارفین کو بھا گئی

شوگر نامی گھوڑی کی ویڈیو آج کل سوشل میڈیا پر وائرل ہورہی ہے جو کام سے بچنے کے لیے سونے کا بہانہ کر رہی ہے۔

سوشل میڈیا صارف جیم روز نے سماجی رابطوں کی ویب سائٹ ٹوئٹر پر شوگر کی تصویر شیئر کی جس کے کیپشن میں لکھا ’شوگر سے ملیے، اسے بالکل نہیں پسند کہ کوئی اس پر سواری کرے۔ اگر کوئی سواری کی خاطر اس کے پاس آتا ہے تو وہ اُس وقت تک آنکھیں بند کرکے لیٹ جاتی ہے جب تک کہ سوار چلا نہ جائے‘۔

شوگر کی یہ نٹ کھٹ سی ادا انٹرنیٹ صارفین کو خوب بھا گئی اور بیشتر خواہش کرنے لگے کہ کاش وہ بھی کام کے وقت اس طرح کا بہانہ کرسکتے۔
اس تصویر کو مختصر وقت میں چار لاکھ سے زائد صارفین نےپسند کیا جب کہ چالیس ہزار سے زائد بار اسے ری ٹوئٹ کیا گیا۔