دل،کینسرسمیت جاں لیواامراض کی وجہ بننے والے سستے تمباکومصنوعات کومہنگاکیاجائے اورمہنگی ضروریات زندگی کوسستاکیاجائے،

5اکتوبر2021

دل،کینسرسمیت جاں لیواامراض کی وجہ بننے والے سستے تمباکومصنوعات کومہنگاکیاجائے اورمہنگی ضروریات زندگی کوسستاکیاجائے،

تمباکوکی کھپت کوکم کرنے کاموثر ذریعہ ہیلتھ بل کانفاذ ہے،

پناہ

پاکستان نیشنل ہارٹ ایسوسی ایشن (پناہ) کے جنرل سیکریٹری وڈائریکٹرآپریشن ثناء اللہ گھمن نے کہاکہ مہلک امراض کی وجہ بننے والی تمباکومصنوعات کومہنگاکیاجائے،اورمہنگی ضروریات زندگی کی اشیاء کوسستاکیاجائے،پاکستا ن میں تمباکو کے 30 ملین صارفین اداروں کے لئے لمحہ فکریہ ہیں،جو قومی خزانے پرسالانہ کم از کم 615 ارب روپے تک بیماریوں کابوجھ پیدا کرتے ہیں،حکومت تمباکوپرہیلتھ لیو ی بل نافذ کرے،تاکہ ہماری عوام مزید تمباکوکے وار سے بچ سکے۔

ثناء اللہ گھمن نے تمباکواورتمباکونوشی کے بڑھتے ہوئے استعمال پراپنے خیالا ت کااظہارکرتے ہوئے کہاکہ اگرہم نے اپنی نوجوان نسل کوبیماری سے بچاناہے توتمباکواوراس سے بننے والی مصنوعات پرہیلتھ لیوی بل نافذ کرناہوگا،تبھی یہ نوجوان نسل کی پہنچ سے دورہوسکے گا،تمباکودل،کینسر سمیت متعدد امراض کی ایک بڑی وجہ ہے،عالمی ادارہ صحت (ڈبلیوا یچ او) سمیت مختلف ممالک کی تحقیقات یہ ثابت کرتی ہیں کہ اگرکسی چیز کی کھپت کوکم کرناہو،تواس پرٹیکس نافذ کردیاجائے،حکومت کو تمباکوکے استعمال کی روک تھام کے لئے سنجیدہ بنیادوں پرسوچ بچار کرناہوگااورعملی اقدامات اٹھاناہونگے،تاکہ ہم بیماریوں سے محفوظ رہ سکیں۔

وفاقی محکمہ صحت کوعوام اوربالخصوص نوجوان نسل کے مفاد میں تمباکو کے استعمال اور صنعتوں کے حوالے سے بین الاقوامی ہدایات کے مطابق اہم فیصلے کرنے کی ضرورت ہے، ہیلتھ لیوی بل تمباکوکی کھپت کوکم کرنے کاموثر ذریعہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔