بھارتی چینل کے انٹرویوز کے بعد پی ٹی آئی چھپ گئی | جنرل فیض کا پیغام | فیکٹ چیک: سابق ڈی جی آئی ایس آئی گرفتار؟
بھارتی چینل کے انٹرویوز کے بعد پی ٹی آئی چھپ گئی | جنرل فیض کا پیغام | فیکٹ چیک: سابق ڈی جی آئی ایس آئی گرفتار؟
PTI hides after Indian Channel Interviews | Gen Faiz’s message | Fact Check: Former DG ISI arrested?
========================
صدر مملکت آصف علی زرداری کا نیشنل ڈیفنس یونیورسٹی اسلام آباد کا دورہ
صدرِ مملکت آصف علی زرداری نے نیشنل ڈیفنس یونیورسٹی اسلام آباد کا دورہ کیا۔
پاک فوج کے شعبۂ تعلقاتِ عامہ (آئی ایس پی آر) کے مطابق صدر آصف علی زرداری نے 27ویں نیشنل سیکیورٹی ورکشاپ کے شرکاء سے خطاب کیا۔
ورکشاپ میں پارلیمنٹیرینز، سینئر سول و ملٹری افسران، تعلیمی و سماجی شعبوں کے نمائندوں نے شرکت کی۔
آئی ایس پی آر کے مطابق صدرِ مملکت نے ورکشاپ مکمل کرنے پر شرکاء کو مبارکباد دی اور قومی سلامتی سے متعلق آگاہی بڑھانے میں اِن کی لگن کو سراہا۔
صدرِ مملکت نے باخبر قیادت، قومی یکجہتی اور مربوط پالیسی سازی کی اہمیت پر زور دیا اور کہا کہ اس سے پاکستان کو درپیش موجودہ سیکیورٹی چیلنجز کا مؤثر طریقے سے مقابلہ کیا جاسکتا ہے۔
صدرِ پاکستان نے اختتامی تقریب میں فارغ التحصیل شرکاء میں اسناد بھی پیش کیں۔
آئی ایس پی آر کے مطابق نیشنل سیکیورٹی ورکشاپ مکالمے کو فروغ دینے کے نمایاں پلیٹ فارمز میں سے ایک ہے۔ نیشنل سیکیورٹی ورکشاپ ملک کی اُن نمایاں پلیٹ فارمز میں سے ہے جو قومی سطح پر مکالمے کو فروغ دیتی ہیں، یہ پلیٹ فارم ادارہ جاتی صلاحیت کو بڑھانے اور قومی سلامتی کے لیے قومی حکمتِ عملی کو مضبوط بنانے میں اہم کردار ادا کرتا ہے۔
