روسی فٹنس انفلوئنسر دمتری نیوینزِن ایک انتہائی خطرناک خوراکی چیلنج کے دوران جان کی بازی ہار گیا۔
رپورٹ کے مطابق انفلوئنسر نے 25 کلو وزن بڑھانے کے لیے کئی ہفتوں تک روزانہ 10 ہزار کیلوریز فاسٹ فوڈ کھائیں، جن میں صبح کیک اور پیسٹریز، مایونیز والے ڈمپلنگز، رات کو برگر اور پیزا، اور درمیان میں چپس و دیگر اسنیکس شامل تھے، ایک مہینے میں اس کا وزن 13 کلو بڑھ کر 105 کلوگرام ہو گیا۔
30 سالہ انفلوئنسر کا مقصد تیزی سے 50 پاؤنڈ وزن بڑھا کر بعد میں اپنے وزن کم کرنے کے طریقے کی کارکردگی دکھانا تھا، مگر یہ منصوبہ جان لیوا ثابت ہوا۔
