
خوشی ہے احمد شاہ بلا رنگ و نسل اور تفریق فن و ثقافت کی خدمت کررہے ہیں ،سنگاپور مایا ڈانس کمپنی کی روح رواں کویتا کرشنن
کراچی( )آرٹس کونسل آف پاکستان کراچی کے زیرِ اہتمام 39 روزہ ورلڈ کلچر فیسٹیول 2025 میں ثقافتی سرگرمیاں روج پر پہنچ گئی۔ 29ویں روز سنگا پور مایا ڈانس کمپنی کی ڈاﺅن سنڈروم بچوں کے ہمراہ کراچی کے اسپیشل تعلیمی ادارے Scinosa کے طلباءکے ساتھ ڈانس ورکشاپ کا انعقاد کیا گیا۔ Scinosa اسکول کے بچوں نے شاندار ڈانس پرفارمنس سے سنگا پور سے آئے مہمان گروپ کا پُرجوش استقبال کیا۔ ورکشاپ کے دوران مایا ڈانس کمپنی کے ڈاو ¿ن سنڈروم بچوں اور گروپ میں شامل فنکاروں نے میوزیکل پرفارمنس پر طلباءکو رقص کے مختلف پہلوو ¿ں، تکنیک اور اظہارِ فن کے طریقوں سے روشناس کرایا۔ ماحول میں موسیقی، جوش، سیکھنے اور باہمی احترام کی خوشگوار فضا غالب رہی۔اسپیشل بچوں نے ورکشاپ میں بھرپور دلچسپی کا اظہار کیا ۔
اس موقع پر مایا ڈانس کمپنی کی روحِ رواںکویتا کرشنن نے کہا کہ ہم آرٹس کونسل آف پاکستان کراچی کے صدر محمد احمد شاہ کے بے حد شکرگزار ہیں کہ انہوں نے دنیا بھر کے فنکاروں کے ساتھ ساتھ ڈاؤن سنڈروم بچوں کو بھی اپنی صلاحیتیں دکھانے کے لیے مساوی پلیٹ فارم مہیا کیا۔ خوشی ہے کہ احمد شاہ نے کسی قسم کی تفریق نہیں رکھی۔ آرٹس کونسل کا ڈاؤن سنڈروم بچوں کے ساتھ یہ رویہ نہایت حوصلہ افزا اور متاثر کن ہے۔ واضح رہے کہ سنگاپور کی مایا ڈانس کمپنی کے ڈاؤن سنڈروم بچے 30 نومبرکو آرٹس کونسل آف پاکستان کراچی میں جاری ورلڈ کلچر فیسٹیول 2025 میںاپنی تخلیقی صلاحیتوں کا مظاہر کریں گے۔























