وزیر اعلیٰ پنجاب مریم نواز شریف نے مریم نواز سنٹر آف ایکسی لینس فار سپیشل ایجوکیشن اسٹوڈنٹس کا افتتاح کیا جہاں ایک سپیشل بچی نے انہیں فریم کردہ تصویر کا محبت بھرا تحفہ پیش کیا۔ وزیر اعلیٰ نے بچوں کے ساتھ وائٹ بورڈ سرگرمی میں حصہ لیا اور بچوں نے پورے اعتماد سے درست جواب دیے۔ انہوں نے بصارت اور سماعت سے محروم بچوں کے لیے خصوصی طور پر قائم ای سی ای کلاس روم کا دورہ بھی کیا۔ اس موقع پر سی ایم اسکول میل پروگرام برائے سپیشل ایجوکیشن اسٹوڈنٹس کا آغاز کیا گیا جبکہ مریم نواز نے بچوں سے شفقت کا اظہار کرتے ہوئے انہیں ملک پیک اور بسکٹ بھی پیش کیے۔
