امریکا میں مسافر نے دوران پرواز طیارے کا ایمرجنسی دروازہ کھول دیا۔
غیرملکی خبررساں ادارے کی رپورٹ کے مطابق جوہانسن وان ہیرٹم نامی 48 سالہ مسافر کو اٹلانٹا انٹرنیشنل ایئرپورٹ پر کے ایل ایم فلائٹ پر ایمرجنسی ایگزٹ ڈور کھولنے پر گرفتار کرلیا گیا۔
اٹلانٹا پولیس کے مطابق واقعہ اس وقت پیش آیا جب ایمسٹرڈیم جانے والا طیارہ ٹیکسی کررہا تھا جس نے طیارہ گیٹ پر واپس جانے پر مجبور کردیا۔
پولیس کا کہنا ہے کہ وان ہیرٹم کا کہنا ہے کہ اس نے ایک مسافر کو ہتھیار کے ساتھ دیکھا اور وہ گھبرا گیا اور ایمرجنسی دروازہ کھول کر بھاگنے لگ گیا۔
رپورٹ کے مطابق مبینہ طور پر حکام کا خیال ہے کہ وان ہیرٹم دماغی صحت کے مسائل سے گزر رہا ہے جس کی وجہ سے اس نے یہ رویہ اختیار کیا۔
افسران نے فلائٹ میں سوار ہو کر وان ہیرٹم کو اپنی تحویل میں اس وقت لیا جب طیارہ ایک ایگزٹ ریمپ پر واپس آیا۔
وان ہیرٹم کو اب متعدد الزامات کا سامنا ہے جن میں لاپرواہی، املاک کو مجرمانہ نقصان، اور حفاظتی اقدامات میں مداخلت شامل ہے۔
