بغاوت کیس میں لمبی سزا ! حافظ کا نیا دور شروع !تہلکہ
بغاوت کیس میں لمبی سزا ! حافظ کا نیا دور شروع !تہلکہ
=====================
خواجہ آصف کا پاکستان سے باہر موجود پی ٹی آئی رہنماؤں کیلیے اہم پیغام
وزیر دفاع خواجہ آصف کا پی ٹی آئی رہنماؤں کیلیے پیغام تحریک انصاف
اسلام آباد (26 نومبر 2025): وزیر دفاع خواجہ آصف نے بیرون ملک میں موجود پاکستان تحریک انصاف (پی ٹی آئی) کے رہنماؤں کیلیے اہم پیغام جاری کر دیا۔
خواجہ آصف نے سوشل میڈیا پلیٹ فارم ایکس پر لکھا کہ پی ٹی آئی کے بھگوڑے جو بیرون ملک بیٹھے ہیں انہوں نے پہلے پاکستان کو لوٹا اور اب بیرون ملک پاکستانیوں سے مال توڑ کر پُرتعیش زندگی گزار رہے ہیں۔
یہ بھی پڑھیں: خواجہ آصف کی مستعفی ہونے والے ججز پر کڑی تنقید
وزیر دفاع نے انہیں پیغام دیا کہ ’آئیں اگر جرأت ہے تو جنگ پاکستان میں آ کر لڑیں‘۔
انہوں نے کہا کہ وہ یورپ میں جی ایس پی پلس کی پاکستان کو سہولت کے خلاف مہم چلا کر غداری کے مرتکب ہو رہے ہیں، پاکستان کی لڑائیاں پاکستان میں لڑیں۔
’بینظیر شہید اور نواز شریف پر سیاست میں آزمائش کے لمحات آئے اور قید بھی ہوئے، ان کے عزیز و اقارب و خاندان کے افراد قید کیے گئے، آمریت نے دونوں کو شدید ترین نشانہ بنایا جبکہ ورکرز پر ظلم کی انتہا کی گئی مگر کسی نے وطن عزیز کے مفادات کو نشانہ بنانے کا نہیں سوچا، انہوں نے سیاسی لڑائی پاکستان میں لڑی اس کی قیمت بھی ادا کی مگر وطن پر آنچ کا سوچا تک نہیں۔‘
خواجہ آصف نے مزید کہا کہ بانی پی ٹی آئی عمران خان اینڈ کمپنی نے اقتدار چھن جانے کے بعد عالمی مالیاتی فنڈ (آئی ایم ایف) کو خط لکھ کر پاکستان کو دیوالیہ کرنے کی کوشش کی، اگر یہ سب کچھ ہندوستان (بھارت) کرے تو سمجھ آتی ہے اگر یہ سب اپنے کو پاکستانی کہنے والے کریں تو ننگ وطن اور غدار کہلائیں گے۔
