سندھ حکومت اور وکلاء کے مذاکرات کامیاب وکلاء کا پی آئی ڈی سی چوک پر احتجاج ختم، پُرامن طور پر منتشر
وزیر بلدیات سندھ سید ناصر شاہ کو چارٹر آف ڈیمانڈ پیش؛ وکلاء نے احتجاج ختم کردیا مذاکرات کامیاب
کراچی: سندھ حکومت اور وکلاء نمائندگان کے درمیان مذاکرات کامیاب ہو گئے، جس کے بعد وکلاء نے پی آئی ڈی سی چوک پر جاری اپنا احتجاج ختم کرتے ہوئے پُرامن طور پر منتشر ہوگئے۔ وکلاء تنظیموں نے اپنے چارٹر آف ڈیمانڈ کی تکمیل کے لیے سندھ حکومت کو پندرہ روز کی مہلت دے دی۔ وکلاء رہنما عامر وڑائچ نے میڈیا سے بات کرتے ہوئے بتایا کہ حکومت کی جانب سے یقین دہانی کروائی گئی ہے کہ زیر التوا اپیل واپس لی جائے گی اور دیگر مطالبات پر بھی مثبت پیش رفت ہوگی۔
انہوں نے کہا کہ حکومت کے سنجیدہ رویے اور فوری رابطے سے وکلاء برادری نے احتجاج مؤخر کرنے کا فیصلہ کیا۔ مذاکرات کے دوران وزیر بلدیات سندھ سید ناصر حسین شاہ نے وکلاء سے گفتگو میں کہا:
– “آپ کی جدوجہد کو سلام پیش کرتا ہوں۔” وکلاء نے ہمیشہ جمہوریت، انصاف اور عوامی حقوق کے لیے ہماری جدوجہد کا ساتھ دیا ہے۔” ناصر شاہ نے اس موقع پر بتایا کہ وزیراعلیٰ سندھ اس وقت اسمبلی اجلاس میں موجود ہیں، تاہم انہوں نے واضح ہدایات دی ہیں کہ وکلاء کے تمام مطالبات تفصیل سے سن کر کابینہ میں مشاورت کے بعد فیصلہ کیا جائے۔ کارونجھر کے معاملے پر بات کرتے ہوئے ناصر شاہ نے کہا کہ:
– “حکومت اس مسئلے کے حل کی مکمل یقین دہانی کراتی ہے، کیونکہ چیئرمین بلاول بھٹو زرداری کی بھی یہی ہدایت ہے کہ اس معاملے کو فوری طور پر حل کیا جائے۔”
