بانی پی ٹی آئی اڈیالہ جیل میں مکمل طور پر صحت مند ہیں، اڈیالہ جیل حکام
بانی پاکستان تحریک انصاف (پی ٹی آئی) عمران خان کی صحت سے متعلق اڈیالہ جیل انتظامیہ نے آگاہ کردیا۔
اڈیالہ جیل حکام کا کہنا ہے کہ بانی پی ٹی آئی اڈیالہ جیل میں مکمل طور پر صحت مند ہیں، بانی پی ٹی آئی کی صحت سے متعلق افواہوں میں کوئی صداقت نہیں۔
جیل حکام کا کہنا ہے کہ بانی پی ٹی آئی کی صحت کا مکمل خیال رکھا جاتا ہے۔
بانی پی ٹی آئی کیخلاف توشہ خانہ ٹو کیس کا جیل ٹرائل منسوخ کردیا گیا
اڈیالہ جیل حکام کا کہنا ہے کہ بانی پی ٹی آئی کو اڈیالہ جیل سے منتقل کرنے کی خبر میں کوئی صداقت نہیں، بانی پی ٹی آئی اڈیالہ جیل میں ہیں اور صحت یاب ہیں، سوشل میڈیا پر بانی پی ٹی آئی کو اڈیالہ جیل سے منتقل کرنے کی افواہیں بے بنیاد ہیں۔
دوسری جانب بانی پی ٹی آئی کے خلاف توشہ خانہ ٹو کیس کا کل ہونے والا جیل ٹرائل منسوخ کردیا گیا۔
کیس کی نئی تاریخ کے حوالے سے کل جوڈیشل کمپلیکس میں آگاہ کیا جائے گا۔
===================
وزیراعلیٰ خیبرپختونخواہ محمد سہیل آفریدی نے کہا ہے کہ کچھ لوگ چاہتے ہیں کہ ہم انتشار کریں ، پھر انہیں اس کاجواز ملے جو وہ کرنا چاہتے ہیں، 26نومبر اور 9 مئی کو ہم پرامن تھے اب بھی پرامن رہیں گے، لیکن کسی کو اپنا حق نہیں کھانے دیں گے۔ انہوں نے پشاور میں جلسے سے خطاب کرتے ہوئے کہا کہ26آئینی ترمیم کے ذریعے عدالتوں کو مفلوج کیا گیا، 27ویں ترمیم کے ذریعے رہی سہی کسر ختم کی گئی، ابھی 28ویں ترمیم لائی جارہی ہے اور پھر 29ویں ترمیم لائی جائے گی۔
ہم نے عمران خان کی حقیقی آزادی کی جدوجہد کو جاری رکھنا ہے، ہم نے آئین قانون کے دائرے میں رہ کر اپنا ہر حق استعمال کرنا ہے، کچھ لوگ چاہتے ہیں کہ ہم انتشار کریں ، آئین قانون کو توڑ کر کوئی ایسی تحریک چلائیں جس سے ان کو جواز ملے ، اور وہ پھر ایک بار ہمارے ساتھ وہ کریں جو کرنا چاہ رہے ہیں۔
26نومبر اور 9مئی کو ہم پرامن تھے لیکن اس کے بعد بھی پرامن رہیں گے، لیکن اپنا حق کسی کو نہیں کھانے دیں گے۔
سہیل آفریدی نے کہا کہ کچھ لوگ چاہتے ہیں کہ ملک میں آئین قانون کی بالادستی نہ ہو، بانی پی ٹی آئی ناحق قید ہیں ہم آئین قانون کے دائرے میں اپنی جدوجہد کریں گے۔ سہیل آفریدی نے کہا کہ جب تک بانی پی ٹی آئی سے ملاقات نہیں جاتی، ہر جمعرات کو اڈیالہ جیل جاؤں گا، آئین قانون کے دائرے میں رہیں گے کسی کو موقع نہیں دینا کہ ہم پر گولیاں چلائے۔ وزیراعلی سہیل آفریدی نے کہا کہ عمران خان پاکستان اور پاکستانی قوم کی حقیقی آزادی کی جدوجہد میں آج 850 دن سے ناحق قید ہے، وہ پاکستانی قوم کے انتظار میں ہے کہ جس ملک جس قوم کی خاطر وہ اذیتیں برداشت کررہا ہے وہ قوم اس کے ساتھ انصاف کرے گی۔
انہوں نے کہا کہ چھبیس نومبر کا دن ہمارے لیے انتہائی دردناک اور غمناک ہے۔ پورے پاکستان کے لیے پیغام ہے کہ کچھ طاقتور لوگ پاکستانی عوام کو بھیڑ بکریاں سمجھتے ہیں وہ چاہتے ہیں کہ پاکستانی عوام اپنا حق نہ مانگے۔
