ہانگ کانگ میں کثیرالمنزلہ رہائشی کمپلیکس میں آگ لگنے سے ہلاکتوں کی تعداد 36 ہو گئی۔
ہانگ کانگ کے حکام کا کہنا ہے کہ رہائشی عمارت میں آگ لگنے سے 29 افراد زخمی ہوئے ہیں جبکہ آگ سے متاثرہ رہائشی بلاکس کے 279 افراد لاپتہ ہیں۔
غیر ملکی خبر ایجنسی کے مطابق عمارت میں لگی آگ بجھانے کی کوششیں جاری ہیں، جبکہ آگ لگنے کی وجہ معلوم نہیں ہو سکی۔
ہانگ کانگ کے فائر ڈپارٹمنٹ نے آگ کو چوتھے درجے کی قرار دے دیا۔
پولیس کے مطابق متعدد افراد عمارت میں پھنسے ہوئے ہیں جبکہ آگ پر قابو پانے کی کوششوں میں مصروف کچھ فائر فائٹرز بھی زخمی ہوئے ہیں۔
ہانگ کانگ کے فائر ڈپارٹمنٹ کی جانب سے آگ پر قابو پانے کی کوششیں جاری ہیں۔
غیر ملکی خبر ایجنسی کے مطابق عمارت میں آگ لگنے کی وجہ ابھی معلوم نہیں ہو سکی ہے۔
چینی صدر کا ہلاکتوں پر اظہارِ افسوس
چینی میڈیا کے مطابق چین کے صدر شی جن پنگ نے آگ سے ہلاکتوں پر اظہارِ افسوس کیا اور ہدایت کی کہ آگ پر جلد قابو پایا جائے۔
چینی صدر نے کہا کہ اس بات کو یقینی بنایا جائے کہ آگ سے جانی و مالی نقصان کم سے کم ہو۔
