ای چالان کیلئے مشکلات، کراچی میں صرف 69 ٹریفک سگنل فعال
26 نومبر ، 2025FacebookTwitterWhatsapp
کراچی (افضل ندیم ڈوگر )ای چالان کیلئے مشکلات، کراچی میں صرف 69ٹریفک سگنل فعال، ڈی آئی جی ٹریفک کے مطابق شہر میں سوا ارب روپے کی مالیت سے 400جدید سگنلز کی وقت کی ضرورت ہے۔ تفصیلات کے مطابق کراچی میں غیر فعال ٹریفک سگنلز ای چالان سسٹم کیلئے بڑی مشکل قرار دیئے جارہے ہیں۔ اس حوالے سے ایک اہم انکشاف سامنے آیا ہے کہ کراچی میں نومبر 2025 کے سروے میں کل 89 ٹریفک سگنلز میں سے 39 فعل تھے۔ ڈی آئی جی ٹریفک پیر محمد شاہ کے مطابق ان کی کوششوں سے ٹریفک انجینئرنگ بیورو نے مجموعی طور پر 69 ٹریفک سگنلز فعال کر دیئے ہیں تاہم بڑی تعداد میں ٹریفک سگنلز ابھی بھی غیر فعال ہیں۔ جس سے ای چالانز میں دشواری پیش آرہی ہے۔ ذرائع کے مطابق ماضی میں 154 ٹریفک سگنلز میں سے 93 کام کر رہے تھے مگر اب بیشتر شاہرائیں سگنل فری ہونے کی وجہ سے کافی سگنل ختم کر دیئے گئے
=========
کراچی (اسٹاف رپورٹر) بجلی کی قیمتیں وفاق طے کرتا ہے، کم یا زیادہ نہیں کر سکتے،چیف ایگزیکٹو کے الیکٹرک،ہم ادائیگی کا عمل آسان بنا سکتے ہیں،بجلی کی بلا تعطل فراہمی کیلئے صارفین بل بر وقت ادا کریں، مونس علوی،کے الیکٹر ک بجلی کی قیمتیں طے نہیں کرتی، صرف ادائیگی آسان بناتے ہیں، مونس علوی ،گلستانِ جوہر، پی این ٹی کالونی و دیگر علاقوں میں سہولت کیمپس،2 کروڑ 60 لاکھ کی وصولی،کے الیکٹرک (کے ای) کے چیف ایگزیکٹو آفیسر( سی ای او) مونس علوی نےکہا ہے کہ بجلی کی قیمتیں وفاقی حکومت طے کرتی ہے، ہم انہیں کم یا زیادہ نہیں کر سکتے، لیکن ادائیگی کا عمل آسان بنا سکتے ہیں، ایسے علاقوں میں جہاں وصولی میں دشواری ہے، ہم کیمپس لگاتے ہیں تاکہ عوام کی مدد ہو اور علاقے کی پروفائل بہتر ہوجائے اور وہاں بلا تعطل بجلی کی فراہمی ممکن بنائی جاسکے۔ انہوں نے صارفین سے اپیل کی کہ وہ اپنے بل بروقت ادا کریں۔ کےالیکٹرک کی جانب سے صارفین کی سہولت اور کمیونٹی انگیجمنٹ کے اقدامات کے تحت پرفیوم چوک، گلستانِ جوہر۔ پی این ٹی کالونی، گزری۔ سُرجانی ٹاؤن اور مچھر کالونی، لیاری میں کیمپس لگائے گئے تھے
=============
