وزیر بلدیات سندھ سید ناصر حسین شاہ اور وزیر محنت و افرادی قوت و سماجی تحفظ سندھ سعید غنی نے شہر کے مختلف علاقوں کا دورہِ کیا اور صفائی ستھرائی کے کاموں کا جائزہ لیا۔
اس موقع پر ٹاؤن چیئرمین جناح ٹاؤن رضوان سمیع، فرحان غنی سندھ سولڈ ویسٹ کے ڈائریکٹر رحمت اللہ شیخ و دیگر افسران بھی ان کے ہمراہ موجود تھے۔
صوبائی وزراء نے کورنگی شارع بھٹو کے پاس بننے والے سندھ سولڈ ویسٹ مینجمنٹ بورڈ کے گاربیج ٹرانسفر اسٹیشن کا بھی دورہِ کیا۔
صوبائی وزیر سید ناصر حسین شاہ نے جی ٹی ایس بنانے والی کمپنی سے اس حوالے سے معلومات حاصل کی اور کام کو وقت مقررہ پر مکمل کرنے کی ہدایات دی۔
شہر بھر میں صفائی ستھرائی کے نظام کو مزید مربوط کیا جائے اور عوامی شکایات کا فوری ازالہ کیا جائے۔ سید ناصر حسین شاہ
سندھ سولڈ ویسٹ اور ٹاؤن و یوسیز انتظامیہ مل کر شہر کی صفائی ستھرائی کو یقینی بنائیں ۔ ناصر حسین شاہ
کسی بھی علاقے سے شکایات کی صورت میں متعلقہ افسران کے خلاف سخت کارروائی عمل میں لائی جائے گی۔
