تھائی لینڈ میں مردہ قرار دی گئی خاتون تدفین سے قبل ’زندہ‘ ہوگئی۔
غیرملکی خبررساں ادارے کی رپورٹ کے مطابق تھائی لینڈ میں خاندان والوں نے 65 سالہ خاتون چونتھیروٹ کو تابوت میں رکھا اور وہ چند منٹ کے بعد ہوش میں آگئیں اور تابوت پر دستک دینے لگیں۔
ڈاکٹروں نے تصدیق کی کہ خاتون کی سانس کبھی رکی نہیں تھی کمزوری اور شوگر لیول گرنے سے گھر والوں نے انہیں مردہ سمجھ کر دفنانے کی تیاری کرلی تھی۔
ڈاکٹروں کا کہنا ہے کہ فیملی نے انہیں بے ہوش ہونے پر مردہ سمجھ لیا تھا۔
خاتون کے چھوٹے بھائی 57 سالہ مونگکول نے بتایا کہ وہ دو سال سے بستر پر تھیں اور مقامی وقت کے مطابق صبح 2 بجے ’مردہ‘ پائی گئیں۔
انہوں نے کہا کہ موت کی تصدیق کرنے والی کاغذی کارروائی پر بھی دستخط کیے تھے، میں حیران اور خوش تھا کہ میری بہن ابھی زندہ ہے، میں حیرت سے گر گیا یہ ایک معجزہ تھا کہ وہ بیدار ہوگئی۔
تھمانون نے بتایا کہ وہ آخری رسومات کے لیے لکڑی کے ڈبے کو ہال میں لے جانے والے تھا کہ انہوں نے دستک کی آواز سنی اور اندر سے مدد کے لیے ہکی سی چیخیں سنائی دیں۔
