ضمنی انتخاب پُرامن اور شفاف رہا، چیف الیکشن کمشنر
اسلام آباد: چیف الیکشن کمشنر سکندر سلطان راجہ نے الیکشن کمیشن میں میڈیا سے گفتگو کرتے ہوئے کہا کہ آج ہونے والا ضمنی انتخاب مجموعی طور پر نہایت پُرامن رہا۔ انہوں نے بتایا کہ انتخابی عمل کے دوران کسی بڑی بے ضابطگی یا ناخوشگوار واقعے کی اطلاع موصول نہیں ہوئی۔
چیف الیکشن کمشنر نے پنجاب اور خیبرپختونخوا کی صوبائی حکومتوں کا خصوصی شکریہ ادا کرتے ہوئے کہا کہ دونوں صوبوں نے اپنے بھرپور تعاون سے امن و امان قائم رکھنے اور انتخابی عمل کو شفاف بنانے میں اہم کردار ادا کیا۔
انہوں نے مزید کہا کہ ضمنی انتخابات میں عموماً ٹرن آؤٹ کم ہوتا ہے اور اس کی کئی وجوہات ہوسکتی ہیں۔
