کراچی کو صرف ٹیکس دہندہ شہر نہیں بلکہ پاکستان بنانے والوں کے خون پسینے کی کمائی سے سجا شہر سمجھا جائے،وفاقی وزیر ڈاکٹر خالد مقبول صدیقی

کراچی کو صرف ٹیکس دہندہ شہر نہیں بلکہ پاکستان بنانے والوں کے خون پسینے کی کمائی سے سجا شہر سمجھا جائے،وفاقی وزیر ڈاکٹر خالد مقبول صدیقی
جس شہر کے اسکولوں کی حالت ابتر ہو وہاں ہماری ترجیحات نہ دین کے مطابق ہیں اور نہ ہی عقل کے، کراچی کا حق صرف اس کا ٹیکس نہیں، اس کے بچوں کا مستقبل ہے، وفاقی وزیر تعلیم
لیاقت آباد میں ایک چار دیواری کے اندر پانچ پرائمری اسکول چل رہے ہیں، ڈیکس، فرنیچر اور بنیادی سہولیات کا شدید فقدان ہے، رُکن صوبائی اسمبلی معاذ محبوب
کراچی۔۔۔22نومبر2025ء
متحدہ قومی موومنٹ پاکستان کے چیئرمین اور وفاقی وزیر برائے تعلیم و پروفیشنل ٹریننگ، ڈاکٹر خالد مقبول صدیقی نے سندھ بھر میں سیلانی ویلفیئر ٹرسٹ کے تعاون سے چلائے جانے والے “اسکول میل پروگرام برائے طلبہ” کی افتتاحی تقریب سے خطاب کرتے ہوئے کہا کہ تعلیم اور فروغِ محنت کا فریضہ اللہ کے بعد سب سے پہلے اپنے گھر، اپنے شہر کو ادا کرنا ہے۔ یہ پاکستان بنانے والوں کی اولادوں کا اسکول ہے، جسکے لوگوں کی محنت سے پاکستان کا مستقبل بدل رہا ہے۔ آج ملک کے دارالحکومت اسلام آباد کے اسکولوں کو عالمی معیار تک پہنچانے کی کوششیں ہو رہی ہیں، لیکن جب ہم کراچی کی طرف دیکھتے ہیں جو دنیا بھر میں امداد کا سب سے بڑا مرکز کہلاتا ہے، اگر اس کے اسکولوں کی یہ حالت ہے تو ہمیں دیکھنا چاہیے کہ ہماری ترجیحات نہ دین کے مطابق ہیں اور نہ ہی عقل کے۔ یہ شہر نہ صرف پاکستان بنانے والوں کا مسکن ہے، بلکہ پاکستان آج ان کی محنت، مشقت اور خون پسینے کی کمائی سے چل رہا ہے۔ وفاقی وزیر ڈاکٹر خالد مقبول صدیقی نے مزید کہا کہ کراچی کو صرف ٹیکس دینے والا شہر سمجھنا بند کیا جائے، اور اس شہر کی کمائی کو واپس اسی شہر کی فلاح و بہبود اور اس کے اداروں پر خرچ کیا جائے گا اور لگایا جائے گا تاکہ کراچی کے بچوں کا مستقبل سنورے۔ رُکن صوبائی اسمبلی، معاذ محبوب نے وفاقی وزیر کا شکریہ ادا کرتے ہوئے کہا کہ لیاقت آباد کے پسماندہ علاقوں کی ایک چار دیواری میں پانچ پرائمری اسکول چل رہے ہیں، لیکن اس کے باوجود یہاں طلباء کو داخلہ نہیں مل پا رہا، اور ان اسکولوں میں ڈیکس، فرنیچر اور کلاس رومز کی شدید کمی ہے۔ انہوں نے مزید بتایا کہ لاہور سے زیادہ لیاقت آباد کی کمرشل مارکیٹ کا پاکستان کی معیشت میں بڑا حصہ ہے، لیکن یہاں کے اسکولوں کی حالت ناگفتہ بہ ہے۔ معاذ محبوب نے چیئرمین ایم کیو ایم کو کہا کہ جب آئندہ آپ کو وزٹ کرایا جائے گا تو اسکولوں کی یہ حالت انقلابی حد تک بہتر ہوگی۔ ڈاکٹر خالد مقبول صدیقی نے سیلانی ویلفیئر ٹرسٹ کی پوری ٹیم کا بھی شکریہ ادا کیا.اس موقع پرایم کیوایم پاکستان کے مرکزی ذمہ داران، ٹاؤن و یوسی کے کارکنان اور مُختلف شعبہ ہائے زندگی سے تعلق رکھنے والے افراد بھی تقریب میں شریک ہوئے۔
#MQMPakistan #ChairmanMQM #DrKhalidMaqboolSiddiqui
#SchoolMealProgram
#StudentWelfare
#EducationForAll
#HealthyStudents
#KarachiEducation
#StudentNutrition
#BetterFuture
#LearningEnvironment
#SelaniWelfare #Liaquatabad #PakistanEducationReform #FutureOfKarachi #PublicSchools
#KarachiEducation