حیدرآباد کے سول اسپتال میں ڈاکٹرز نے بدبو آنے پر مریض کا علاج کرنے سے انکار کردیا۔
ایمبولینس ڈرائیور نے بتایا کہ حیدرآباد کے سول اسپتال میں لاوارث مریض کو لایا اس کے منہ سے مسلسل خون آرہا تھا اور صورت حال نازک تھی۔
ڈرائیور کا کہنا ہے کہ ڈاکٹرز سے کہا مریض کو نہلا کر کپڑے پہنوا دیتے ہیں آپ علاج شروع کریں۔
ایمبولینس کے ڈرائیور نے بتایا کہ ڈاکٹرز نے مریض کو وارڈ میں لینے سے انکار کردیا، عینی شاہدین کے مطابق مریض 4 گھنٹوں سے اسپتال کے گیٹ پر فرش پر تڑپ رہا ہے۔
عینی شاہدین کا کہنا ہے کہ کسی ڈاکٹر نے اس کی حالت دیکھنے کی زحمت تک نہیں کی۔
