بھارت میں خاتون کی اے سی ٹرین میں الیکٹرک کیتلی سے ’میگی‘ پکانے کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست مہاراشٹر میں خاتون نے ریلوے اے سی کوچ میں الیکٹرک کیتلی کا استعمال کرتے ہوئے میگی پکا لیا۔
ویڈیو میں دیکھا جاسکتا ہے کہ خاتون کوچ کے پاور ساکٹ میں لگائی گئی الیکٹرک کیتلی میں میگی پکا رہی ہے جو خاص طور پر مسافروں کے لیے فراہم کردہ چارجنگ پوائنٹ کے طور پر استعمال ہوتا ہے۔
ریلوے حکام کا کہنا ہے کہ یہ ساکٹ صرف کم واٹ والے آلات جیسے کہ موبائل چارجرز کے لیے بنائے گئے ہیں نہ کہ یہ کیٹلز جیسے ہائی پاور ایپلائسنز کے لیے ہیں۔
وائرل ویڈیو پر تبصرہ کرتے ہوئے ایک صارف نے لکھا کہ ’یہ عمل غیرقانونی ہے اور اس سے آگ لگنے کا خطرہ ہے۔
دوسرے صارف کا کہنا تھا کہ ’امپیئریج زیادہ طاقت والے آلات کے لیے موزوں نہیں ہے اور میرے خیال میں یہ جرم کے مترادف ہے۔
تیسرے صارف نے لکھا کہ ’بھارتی حماقتیں کرتے ہیں اور عوام کے سامنے اسے اپنی کامیابی قرار دیتے ہیں۔‘
