سندھ میں بچوں کے عالمی دن کے موقع پر وزیر اعلیٰ سندھ مراد علی شاھ کی قیادت میں آگاہی واک کا انعقاد
کراچی22 نومبر ۔چائلڈ پروٹیکشن اتھارٹی ، محکمہ سماجی بہبود حکومت سندھ کے زیر انتظام بچوں کے عالمی دن کی مناسبت سے سی ویو کراچی پر میرا دن ، میرے حقوق کے موضوع سے آگاہی واک کا انعقاد کیا گیا.
آگاہی واک میں وزیر اعلیٰ سندھ سید مراد علی شاھ کی قیادت میں محکمہ سماجی بہبود کے وزیر میرطارق علی تالپر ، مختلف محکموں کے اعلیٰ افسران ، سماجی بہبود کے ادارے، اساتذہ، والدین ، ڈاکٹرز، وکلاء اور عام شہریوں نے بڑی تعداد میں شرکت کی-
وزیر اعلیٰ سندھ مراد علی شاہ سے میڈیا کے نمائندوں سے بات کرتے ہوئے کہا کہ بچے ہمارا فخر اور ایک بہتر اور خوشحال مستقل کی بنیاد ہیں ۔ انہوں نے اس بات کو یقینی بنانے کے لیے ایک بار پھر حکومت سندھ کے عزم کا اعادہ کیا کہ حکومت صوبے بھر میں ہر بچے کے وقار اور تحفظ کو یقینی بنائے گی۔ انہوں نے بچوں کے ساتھ بد سلو کی، جسمانی سزا، بچوں کی شادی، اسمگلنگ ، اور استحصال کے خلاف صفر رواداری پرزور دیا ۔
وزیر اعلیٰ نے سندھ چائلڈ پرونیکشن اتھارٹی ، محکمہ سماجی بہبودکےجاری منصوبوں کو بشمول تمام اضلاع میں موجود بچوں کے تحفظ کے اداروں (ڈی سی پی یوز) بچوں کے لیئے مختلف محکموں کے مابین تعاون، اور بچوں کی ہیلپ لائن 1121 کو سراہتے ہوئے کہا کہ ڈسٹرک چائلڈ پروٹیکشن یونٹس بچوں کی حفاظت اور ہیلپ لائن 1121 بچوں کے ساتھ ہونے والے واقعات کو رپوٹ کرنے کے لیئے انتہائی اہم کردار ادا کررہے ہیں.انہوں نے مزید کہا کہ حکومت اسکولوں میں تشدد کے واقعات کی روک تھام، صحت اور غذائیت کے منصوبوں، آن لائن پلیٹ فارمز پر بچوں کی حفاظت سے متعلق آگاہی پھیلانے ، سندھ بھر کے بچوں کے لیئے بہترین ماحول فراہم کرنے کے لیے این جی اوز اور دیگر اداروں کے ساتھ مل کر ٹھوس اقدامات کررہی ہے۔
محکمہ سماجی بہبود کے وزیر نے میڈیا سے بات کرتے ہوئے، بچوں کی حفاظت کے لیے معاشرے کی اجتماعی ذمہ داری پر زور دیتے ہوئے کہا کہ آج کی اس آگاہی واک میں اساتذہ ، والدین ، سماجی لیڈران ، سماجی بہبود کے اداروں کے نمائندوں کی شرکت بچوں کی حفاظت کے لئے ہمارے مشترکہ عزم کی عکاسی کرتی ہے۔
آگاہی واک میں طلبا کمیونٹی گروپس اور شہریوں کی بڑی تعداد نے شرکت کی جنہوں نے بینرز اور پلے کارڈر اٹھا رکھے تھے جن پر بچوں کی حفاظت، انکی تعلیم کے حق، اور ہر قسم کے تشدد سے تحفظ کا مطالبہ کیا گیا ۔ واک کا اختتام سندھ کے ہربچے کی بنیادی حقوق کی فراہمی اور انکی حفاظت کو یقینی بنانے کے عزم کے ساتھ کیا گیا۔
ہینڈ آؤٹ نمبر 1311۔۔۔۔
