واٹس ایپ نے آئی فون صارفین کے لیے نیا فیچر متعارف کروا دیا ہے، جس کے ذریعے اب ایک ہی ڈیوائس پر دو الگ الگ فون نمبرز کے اکاؤنٹس کو باآسانی چلایا جا سکے گا۔
واٹس ایپ کے مطابق اس نئے فیچر کے تحت ہر اکاؤنٹ کی چیٹ ہسٹری، نوٹیفیکیشنز، پروفائل سیٹنگز اور پرائیویسی اپنی علیحدہ ہوگی، اور صارفین انہیں سیٹنگز مینو میں موجود اکاؤنٹ فہرست کے ذریعے آسانی سے سوئچ کر سکیں گے۔
واٹس ایپ کے مطابق یہ فیچر خاص طور پر ان صارفین کے لیے مفید ہے جو ذاتی اور کام کے نمبرز ایک ہی فون پر استعمال کرنا چاہتے ہیں، اور انہیں اضافی فون یا کاروباری واٹس ایپ استعمال کرنے کی ضرورت نہیں پڑے گی۔
ملٹی اکاؤنٹ فیچر فی الحال آئی او ایس بیٹا ورژن 25.34.10.72 یا اس کے بعد کے ورژنز پر دستیاب ہے، صارفین جب اکاؤنٹس کے درمیان سوئچ کریں گے تو نوٹیفیکیشنز واضح طور پر بتائیں گے کہ کون سا اکاؤنٹ پیغام وصول کر رہا ہے، اور سیکیورٹی کے لیے فیس آئی ڈی اور ٹچ آئی ڈی جیسی توثیقی سہولتیں بھی فعال ہوں گی۔
ابتدائی رپورٹس کے مطابق بیٹا صارفین نے یہ فیچر مخصوص علاقوں میں ٹیسٹ کیا ہے، اور عام ریلیز کی تاریخ کا اعلان ابھی باقی ہے۔
