
تیجاس کریش،پاکستان سے حیران کن پیغام۔بھارتی پائلٹس کی طیارے گرانے کی دلچسپ تاریخ،جسٹس منصور علی شاہ،ستائیسویں ترمیم احتجاج اوراعلیٰ عدالت کی وارننگ، ضمنی الیکشن میں دوہرا معیار
Tejas crash,Pakistan Sy Herankun Pegham,27th Tarmeem Ehtejaj,Justice Mansoor Aur SHC ki Warning…..
تیجاس کریش،پاکستان سے حیران کن پیغام۔بھارتی پائلٹس کی طیارے گرانے کی دلچسپ تاریخ،جسٹس منصور علی شاہ،ستائیسویں ترمیم احتجاج اوراعلیٰ عدالت کی وارننگ، ضمنی الیکشن میں دوہرا معیار
===========================
تیجس کے حوالے سے 53 اہم خامیوں کی نشاندہی کی گئی، آڈٹ رپورٹ
دبئی ایئر شو میں بھارتی طیارے تیجس کی تباہی نے طیارے کے تکنیکی مسائل اور کوالٹی پر ایک بار پھر سوالات اٹھا دیے۔
بھارتی کامپٹرولر اینڈ آڈیٹر۔جنرل کی 2015 کی رپورٹ میں تیجس کے حوالے سے 53 اہم خامیوں کی نشاندہی کی گئی، تیجس طیارے کی تیاری کے دوران ہی پینل کی مس الائنمنٹ، لیکج اور وائبریشن جیسے مسائل کو رپورٹ کیا گیا۔
طیارے میں کم رفتار پر استحکام کے مسائل کا سامنا بھی کیا گیا۔
گر کر تباہ ہونے والے طیارے تیجس سے متعلق بھارتی دعوے
بھارتی فضائیہ نے بھی تیجس کی کارکردگی، اس کی رینج پر مستقل عدم اطمینان کا اظہار کیا۔
خیال رہے کہ آج دبئی ایئر شو میں بھارتی فضائیہ کا تیجس طیارہ گر کر تباہ ہوگیا، بھارتی طیارہ دبئی ایئر شو میں فضائی مظاہرے کے دوران گرا، حادثے میں پائلٹ ہلاک ہوگیا۔
حادثے کے فوراً بعد ریسکیو اور فائر فائٹنگ ٹیمیں پہنچیں اور امدادی کارروائیوں میں حصہ لیا۔
تیجس طیارے کا دو سال سے بھی کم عرصے میں دوسرا حادثہ
ایئر شو انتظامیہ کا کہنا ہے کہ متاثرہ علاقے کو سیل کرکے شواہد اکٹھے کیے جا رہے ہیں، بھارتی طیارہ گرنے کی مکمل تحقیقات کی جائیں گی، ایئر شو کے مزید فضائی مظاہرے معطل کر دیے گئے۔
دوسری جانب حادثے کی وجوہات جاننے کے لیے بھارت میں انکوائری کمیٹی تشکیل دے دی گئی ہے۔
بھارتی میڈیا کا کہنا ہے کہ تیجس بھارت میں مقامی طور پر تیار کیا گیا لڑاکا طیارہ ہے، دو سال سے بھی کم عرصےمیں تیجس طیارےکا یہ دوسرا حادثہ ہے۔
مارچ 2024 میں تیجس لڑاکا طیارہ راجستھان کے شہر جیسلمیر میں گر کر تباہ ہوا تھا،2001 میں تیجس طیارے کی پہلی آزمائشی پرواز ہوئی تھی۔
==============================
سندھ میں چینی قیمتوں کی اونچی اڑان، کراچی سمیت بڑے شہروں میں ڈبل سنچری
سندھ میں چینی قیمتوں کی اونچی اڑان، کراچی سمیت بڑے شہروں میں ڈبل سنچری
اسلام آ باد (رانا غلام قادر)سندھ میں چینی کی قیمتوں کی اونچی اڑان جاری ،کراچی سمیت بڑے شہروں میں ڈبل سنچری مکمل ہوگئی ۔ ایک ہفتے میں سکھر میں چینی کی فی کلو قیمت میں 24 روپے تک کا بڑا اضافہ ہوا ہے، کوئٹہ میں زیاد ہ سے زیادہ فی کلو قیمت 214 روپے،خضدار میں 15روپے تک بڑھی ، کراچی،حیدرآباد، سکھر،لاڑکانہ،پشاور میں چینی فی کلو قیمت200،اسلام آباد 195اورپنجاب میں 190 روپے تک ہے۔ وفاقی ادارہ شماریات نے چینی کی قیمتوں کے نئےاعدادو شمار جاری کرد یے۔رپورٹ کے مطا بق حیدر آباد اورلاڑکانہ میں چینی کی فی کلو قیمت 15 روپے تک بڑھ گئی ۔ ایک ہفتےمیں کراچی میں چینی کی فی کلوقیمت میں 5 روپے تک کا اضافہ ہوا۔ ملک میں چینی کی زیاد سے زیادہ فی کلو قیمت کوئٹہ میں 214 روپے تک ہے۔























