دبئی ایئر شو میں بھارتی فضائیہ کا طیارہ تیجاس دوران پرواز کریش ہو گیا، پائلٹ ہلاک


Abdul Jabbar Nasir

دبئی ایئر شو میں بھارتی فضائیہ کا طیارہ تیجاس دوران پرواز کریش ہو گیا،کچھ روز پہلے بھارتی طیارے سے تیل لیک ہونے کی تصاویر بھی وائرل ہوئی تھیں،جبکہ اس سے پہلے حالیہ پاک بھارت جنگ کے دوران بھی بھارتی فضائیہ مکمل شکست سے دوچار رہی ہے

دبئی ایئر شو کے دوران بھارت کا جنگی طیارہ گر کر تباہ، پائلٹ ہلاک

دبئی ایئر شو کے دوران بھارت کا اپنے ملک میں تیار کردہ جنگی طیارہ تیجس گر کر تباہ ہوگیا۔ بھارتی ایئرفورس نے طیارہ گرنے اور پائلٹ کے ہلاک ہونے کی تصدیق کردی۔

امریکی میڈیا کے مطابق بھارتی طیارہ دبئی ایئر شو میں مظاہرے کے دوران گرا، جبکہ بھارتی میڈیا نے بھی اپنا طیارہ گرنے کی تصدیق کردی۔

امریکی میڈیا کا کہنا ہے کہ بھارتی لڑاکا طیارہ تیجس مقامی وقت کے مطابق 2 بجکر 10 منٹ پر گرا۔

خیال رہے کہ تیجس کو ہندوستان ایروناٹکس لمیٹڈ (ہال) نے تیار کیا تھا، بھارت کے اپنے ملک میں تیار کردہ اس طیارے کی صلاحیتوں پر پہلے ہی سوالات اٹھائے جاتے رہے ہیں۔

علم میں رہے کہ تیجس کو 4.5 جنریشن کا طیارہ قرار دیا جاتا ہے، جو جنریشن کے اعتبار سے رافیل کے ہم پلہ ہے۔

تباہ ہونے والا بھارتی طیارہ تیجس 2016 سے بھارتی فضائیہ کا حصہ تھا۔