پاسبان خواتین ونگ کے تحت عافیہ صدیقی کی سلامتی اور رہائی کے لئے دعاکا اہتمام
حکومت عافیہ کی رہائی کے معاملے کو اولین ترجیح دے:عزیز فاطمہ
عافیہ کی رہائی ایک فرد کی آزادی کا مسئلہ نہیں قوم کی عزتِ نفس اور انسانی حقوق کا معاملہ ہے:نرگس خان
حکومت مزید بے حسی کا مظاہرہ نہ کرے اور فی الفور عملی اقدامات کا اعلان کرے:الماس خاتون
کراچی ()پاسبان ڈیموکریٹک پارٹی خواتین ونگ کے تحت ڈاکٹر عافیہ صدیقی کی سلامتی، صحت اور رہائی کے لئے دعا کا اہتمام کیا گیا۔ دعائیہ تقریب میں خواتین ونگ کی صدر عزیز فاطمہ، رہنما نرگس خان، الماس خاتون سمیت دیگر خواتین نے شرکت کی۔ شرکاء نے عافیہ صدیقی کی مظلومیت، قید کی صعوبتوں اور انصاف کے فقدان پر اظہارِ افسوس کیا اور ان کی جلد وطن واپسی کے لئے ربِ کریم کے حضور خصوصی دعائیں کیں۔ پاسبان خواتین ونگ کی رہنماؤں نے اس موقع پر کہا کہ ڈاکٹر عافیہ صدیقی قوم کی بیٹی ہیں، جنہیں برسوں سے غیر منصفانہ قید میں رکھا گیا ہے۔ اب وقت آچکا ہے کہ حکومت اپنی ذمہ داری پوری کرتے ہوئے عافیہ کی رہائی کے معاملے کو اولین ترجیح دے اور عملی اقدامات کرے۔ انسانی حقوق کے تقاضوں اور بین الاقوامی قوانین کی روشنی میں حکومتِ پاکستان کو چاہیے کہ وہ سفارتی سطح پر فوری اور بھرپور کوششیں کرے تاکہ عافیہ صدیقی کو باعزت طور پر وطن واپس لایا جا سکے۔ ڈاکٹر عافیہ کی رہائی نہ صرف ایک فرد کی آزادی کا مسئلہ ہے بلکہ پوری قوم کی عزتِ نفس اور انسانی حقوق کا معاملہ ہے۔ حکومت سے مطالبہ کیا جاتا ہے کہ وہ اس قومی معاملے میں مزید بے حسی کا مظاہرہ نہ کرے اور فی الفور عملی اقدامات کا اعلان کرے۔ آخر میں شرکاء نے عافیہ صدیقی کے لئے اجتماعی دعا کی اور عزم کا اظہار کیا کہ وہ اس جدوجہد کو ہر سطح پر جاری رکھیں گی #
# ## #
پاسبان رہنماؤں کی جانب سے ایپنک کے سالانہ انتخابات میں کامیاب عہدیداروں کو مبارکباد
کراچی( ): پاسبان ڈیموکریٹک پارٹی کے چیئرمین الطاف شکور جنرل سیکریٹری اقبال ہاشمی، کراچی کے صدر عبدالحاکم قائد، چیف اڑگنائر طارق چاندی والا اور میڈیا سیل کے ذمہ داران نے آل پاکستان نیوز پیپر ایمپلائز کنفیڈریشن (ایپنک) کے سالانہ انتخابات میں کامیاب ہونے والے تمام منتخب عہدیداروں کو دلی مبارکباد پیش کی ہے اور امید ظاہر کی ہے کہ نئے منتخب نمائندے صحافتی ورکرز کے حقوق اور فلاح و بہبود کے لئے بھرپور کردار ادا کریں گے۔ پاسبان رہنماؤں نے شکیل یامین کانگا کو بطور چیئرمین اور اصغر خان کو بطور سیکریٹری جنرل منتخب ہونے پر خصوصی مبارکباد دیتے ہوئے کہا کہ ایپنک ملک بھر کے اخباری ملازمین کی نمائندہ تنظیم ہے اور اس کے عہدیداروں کی ذمہ داریاں نہایت اہمیت کی حامل ہیں۔امید ہے کہ نئی قیادت آزادیِ صحافت، فیکٹری ایکٹ کے نفاذ، ویج ایوارڈ کے مسائل اور اخبارات کے ورکرز کے حقوق کے تحفظ کے لئے مؤثر حکمتِ عملی اختیار کرے گی۔ پاسبان ڈیموکریٹک پارٹی نے کامیاب عہدیداروں کے لئے نیک خواہشات اور مستقبل کی کامیابیوں کے لئے دعا بھی کی #
