*کراچی پریس کلب*
پریس ریلیز
کراچی پریس کلب کی کے یوجے دستور کے نومنتخب عہدیداروں کو مبارکباد
کراچی(پ ر)کراچی پریس کلب کے صدر فاضل جمیلی،سیکرٹری سہیل افضل خان اور مجلس عاملہ نے کراچی یونین آف جرنلسٹس(دستور)کے نومنتخب عہدیداروں کو مبارکباد پیش کی ہے ۔کراچی پریس کلب سے جاری بیان میں کراچی پریس کلب کے عہدیداروں نے نومنتخب صدر نصراللہ چوہدری،نائب صدورفاروق سمیع ،منصور احمد قریشی ،سیکرٹری ریحان خان چشتی ،جوائنٹ سیکرٹریز عبدالرحمن،اطہر فاروقی ،خازن زین علی ،سیکرٹری اطلاعات اظفر وقاص عباسی ،گورننگ باڈی کے ارکان عبدالقادر منگریو،انعم رزاق ،عارف حبیب ،عطاء الرحمن ،جنید شاہ ،خدیجہ راٹھور،شفقت عزیز بھٹی ،ریحان حیدر اور صلاح الدین عباسی کے لیے نیک خواہشات کا اظہار کرتے ہوئے کہا کہ جمہوریت کے فروغ اور انصاف پر مبنی معاشرے کے قیام میں میڈیا کا اہم کردار ہے۔صحافی تنظیموں میں جمہوری انداز سے انتخابات جمہوری رویوں کے پروان چڑھنے کا واضح ثبوت ہے۔ کے یوجے (دستور)نے ہمیشہ کی طرح اپنی جمہوری روایات کو برقرار رکھا ہے۔انہوں نے کہا کہ صحافی تنظیموں کا میڈیا کارکنوں کے حقوق کا تحفظ اور ترقی میں کلیدی کردار ہے، اہل صحافت نے ہمیشہ ملک میں جمہوریت اور صحافتی آزادی کیلئے گراں قدر جدوجہد کی ہے۔کراچی پریس کلب کے عہدیداروں نے کہا کہ پاکستان میں صحافت مشکل دور سے گزر رہی ہے تاہم ہمیں یقین ہے کہ کے یوجے کی نومنتخب قیادت اپنی ذمہ داریاں ماضی کی طرح نبھاتے ہوئے صحافیوں کی مشکلات کو کم کرنے کے لیے اپنا کردار ادا کرے گی ۔انہوں نے امید ظاہر کی کہ نو منتخب عہدیداران صحافیوں کے حقوق اور مفادات کے تحفظ میں کوئی کسر نہ اٹھا رکھیں گے۔
عبدالرحمن
0321-2115504
سیکرٹری
پریس اینڈ انفارمیشن کمیٹی
کراچی پریس کلب
