کرکٹ میں بلے باز اور قریب کھڑے فیلڈرز تحفظ کے لیے ہیلمٹ پہنتے ہیں لیکن ایک میچ میں کمنٹیٹرز نے ہیلمٹ پہن کر کمنٹری کی۔
آپ نے اب تک کرکٹ کے میدان میں سنسنی خیز مقابلے دیکھنے کے ساتھ کسی تیز بالر کی گیند سے بلے باز یا بلے باز کے تیز شاٹ سے فیلڈر کو زخمی ہوتے دیکھا ہوگا۔ ان واقعات کی وجہ سے اب بیٹرز اور قریب کھڑے فیلڈرز تحفظ کے لیے ہیملٹ پہنتے ہیں۔
تاہم ایک میچ میں شائقین اس وقت حیران رہ گئے جب کمنٹری باکس میں کمنٹیٹرز نے ہیلمٹ پہن کر میچ پر رواں تبصرہ کیا، جس کی ویڈیو تیزی سے سوشل میڈیا پر وائرل ہو رہی ہے۔
یہ حیرت انگیز کھٹمنڈو میں دیکھنے کو ملا، جہاں نیپال پریمیئر لیگ کھیلی جا رہی ہے۔ تاہم کمنٹیٹرز نے ایسا کیوں کیا یہ جان کر شاید آپ ان کی عقلمندی کی داد دیں۔
ہوا کچھ یوں کہ ایک میچ کے دوران جارح مزاج بلے باز کوشال بھرتال کے زوردار چھکے نے کمنٹری روم کا شیشہ توڑ دیا تھا۔
امپائرز خوش قسمتی سے اس بن بلائی مصیبت سے بچ گئے۔ تاہم اگلے میچ سے انہوں نے احتیاطی تدبیر اختیار کرتے ہوئے ہیلمٹ پہن کر کمنٹری شروع کر دی ہے۔
