“جن کی شادی، اُن کی شادی” اب اپنے اختتام کی طرف بڑھ رہا ہے اور کہانی ہر قسط کے ساتھ مزید دلچسپ ہوتی جا رہی ہے۔ شائقین کو سب سے زیادہ جس بات کا انتظار ہے وہ یہی ہے کہ کیا ڈرامے میں ایک انسان اور جنّ کی شادی ہوتے دکھائی جائے گی یا نہیں؟
حالیہ ہفتے کی تازہ اقساط میں علی کو پتا چل چکا ہے کہ نادیہ اور اس کی ماں نے عزر کے ساتھ جو خفیہ پارٹنرشپ کی، وہ صرف علی اور خوشی کو ایک دوسرے سے دور کرنے کے لیے تھی۔ اب ایسا بھی محسوس ہوتا ہے کہ نادیہ شاید علی اور خوشی کو نقصان پہنچانے کی کوشش تک کرے۔
دوسری طرف علی اور خوشی کی رومانوی کیمسٹری ناظرین کو بے حد پسند آرہی ہے۔ وہاج اور سحر کی جوڑی اس قدر خوبصورت لگ رہی ہے کہ دیکھنے والوں کو یہی امید ہے کہ ان دونوں کرداروں کی اینڈنگ بھی ایک ساتھ ہو۔
کہانی کس رخ پر جاتی ہے، یہ تو آنے والی اقساط ہی بتائیں گی…
آپ کو کیا لگتا ہے، انجام کیسا ہوگا؟
