سویڈن کے تفریحی پارک میں دل دہلا دینے والا حادثہ پیش آیا جس میں خاتون چلتے رولر کوسٹر سے گر کر شدید زخمی ہوگئیں۔
میڈیا رپورٹس کے مطابق حادثہ 2023 میں تفریحی پارک گرونا میں پیش آیا تھا جس کی دل دہلا دینے والی سی سی ٹی وی فوٹیج عدالت میں چلائی گئی۔ حادثے میں ایک شخص ہلاک اور 9 زخمی ہوئے تھے۔
ویڈیو میں کارین ایماگارڈ نامی خاتون کو چلتے رولر کوسٹر سے زمین پر گرتے ہوئے دیکھا جا سکتا ہے۔ یہ اُس وقت ہوا جب ایک سپورٹ آرم ٹوٹنے کے باعث رولر کوسٹر اچانک رک گیا اور جزوی طور پر پٹڑی سے اتر گیا۔
شدید زخمی خاتون کے شوہر میکائل ایلماگارڈ نے میڈیا سے گفتگو میں کہا کہ اپنی بیوی کو گرتے دیکھنا خوفناک تھا۔ وہ خود بھی ان کے ساتھ موجود تھے لیکن انہوں نے ایک مضبوطی سے اس کو پکڑے رکھا۔
انہوں نے کہا کہ جب میں نے اسے زمین پر پڑا دیکھا تو اس کا چہرہ خون سے لت پت تھا مجھے امین نہیں تھی کہ وہ زندہ ہے یا نہیں۔
کارین ایلماگارڈ گرنے سے زندہ تو بچ گئیں لیکن انہیں سرجری کی ضرورت پڑی اور وہ اب بھی روزمرہ کے کاموں میں مشکلات کا سامنا کرتی ہیں۔
انہوں نے صحتیابی کے عمل کو جسمانی طور پر تکلیف دہ اور ذہنی طور پر تھکا دینے والا قرار دیتے ہوئے کہا کہ مجھے یاد ہے میں زمین کی طرف گر رہی تھی۔
تفریحی پارک گرونا اور 2 دیگر کمپنیوں کے خلاف مقدمہ 10 نومبر کو شروع ہوا۔ استغاثہ 19 لاکھ ڈالر کے کارپوریٹ جرمانے کا مطالبہ کر رہا ہے اور الزام ہے کہ حفاظتی معیارات پر عمل نہیں کیا گیا۔
