600 سال بغیر سڑک کے – شمشال ویلی روڈ کی ان کہی کہانی
600 Years Without a Road – The Untold Story of Shimshal Valley Road – EP:55
Travel With Nabeel
===========================
اردن کے شاہ عبداللہ دوم دو روزہ سرکاری دورے پر کل پاکستان پہنچیں گے
نیوز ڈیسک
November 14, 2025
اسلام آباد: اردن کے شاہ عبداللہ دوم وزیرِ اعظم محمد شہباز شریف کی دعوت پر دو روزہ سرکاری دورے پر کل پاکستان پہنچ رہے ہیں۔شاہ عبداللہ دوم کا دورہ ، پاکستان اور اردن کے درمیان دیرینہ اور برادرانہ تعلقات کی عکاسی کرتا ہے۔ دورے کا مقصد پاکستان اور اردن کے تعلقات کی اسٹریٹجک سمت کو مزید مستحکم کرنا اور ان کو ایک نئے عروج پر لے جانا ہے۔
شاہ عبداللہ دوم، صدر آصف علی زرداری اور وزیرِ اعظم محمد شہباز شریف سے اہم ملاقاتیں کریں گے۔ دونوں برادر ملکوں کے درمیان دوطرفہ تعلقات کے تمام پہلوؤں پر بات چیت کی جائے گی۔ معزز مہمان کے اعزاز میں ایوان صدر میں خصوصی تقریب کا بھی انعقاد کیا جائے گا جس میں شاہ عبداللہ دوم کو پاکستان کا سب سے بڑا شہری اعزاز پیش کیا جائے گا۔
شاہ عبداللہ دوم کا یہ دورہ پاکستان اور اردن کے تعلقات کو مزید مستحکم کرے گا اور دونوں ممالک کے درمیان دوطرفہ تعاون کے دائرہ کو وسیع کرنے میں مددگار ثابت ہوگا۔
=======================
لوکل چائلڈ سیف گارڈنگ پریکٹس ریویو کے مطابق 10 سالہ معصوم بچی سارہ شریف کی جان سسٹم کی ناکامی کے سبب گئی۔ اسے والدین کی نگہداشت میں رہنا ہی نہیں چاہیے تھا، والدین اور سسٹم دونوں اس کےلیے ’لیتھل کمبی نیشن‘ ثابت ہوئے۔
ریویو رپورٹ میں یہ بات سامنے آئی کہ سوشل سروس سے لے کر این ایچ ایس اور ایجوکیشن سسٹم بھی سارہ کی مدد نہ کرسکا، کونسل کا عملہ سارہ کی موت سے ایک روز قبل اسے چیک کرنے گیا تھا لیکن وہ کسی غلط پتہ پر چلا گیا جبکہ سارہ کی لاش اس کے ووکنگ میں واقع گھر سے اگست 2023ء میں ملی تھی جہاں اسے دو برس سے تشدد کا نشانہ بنایا جارہا تھا۔
ریویو رپورٹ کے مطابق سارہ کی ہڈیاں ٹوٹی ہوئی تھیں، جسم پر چوٹیں تھیں اور اسے استری سے جلایا گیا تھا، سارہ کے والدین بچی کی لاش چھوڑ کر پاکستان فرار ہوگئے تھے لیکن بعد میں واپسی پر مقدمہ چلا اور والد عرفان شریف اور والدہ بینش بتول کو عمر قید کی سزائیں سنائی گئیں تھیں۔
ریویو رپورٹ میں یہ بھی بتایا ہے کہ سارہ شریف پیدائش سے ہی سوشل سروس کے نوٹس میں آگئی تھی، 3 برس کی عمر تک اسے دو مرتبہ سوشل سروس نے فوسٹر کیئر میں رکھا۔
اس ریویو رپورٹ پر کاؤنٹی کونسل نے رپورٹ پر انتہائی دکھ کا اظہار کیا ہے۔
اس حوالے سے سرے سیف گارڈنگ چلڈرن پارٹنرشپ کا کہنا ہے کہ وہ پارٹنر ایجنسیز کے ساتھ مل کر مشترکہ ایکشن پلان پر اتفاق کے لیے کام کرے گی اور رپورٹ کی سفارشات پر عمل کو یقینی بنایا جائے گا۔
