بھارت: بہار الیکشن میں مودی سرکار کا پلڑا بھاری
بھارتی ریاست بہار کے الیکشن میں حکمران جماعت بی جے پی کی زیر قیادت نیشنل ڈیموکریٹک الائنس (این ڈی اے) بھاری اکثریت سے کامیابی کی طرف گامزن ہے۔
بھارتی میڈیا کی رپورٹ کے مطابق بہار میں ووٹوں کی گنتی کا عمل جاری ہے اور ابتدائی رجحانات میں بی جے پی اور جے ڈی یو کے اتحاد کو برتری حاصل ہے۔
رپورٹ میں بتایا ہے کہ حکمران اتحاد نیشنل ڈیموکریٹل الائنس کو اب تک کے تنائج کے مطابق 208 نشستوں کے ساتھ سبقت حاصل ہے۔
رپورٹ کے مطابق 243 رکنی ریاستی اسمبلی میں حکومتی اتحاد کو کامیابی کے لیے 122 نشستیں درکار تھیں۔
رپورٹ میں مزید بتایا ہے کہ انتخابات کے دوران اہم حلقوں میں سخت مقابلہ دیکھنے کو مل رہا ہے۔
======================
اردن کے شاہ عبداللہ دوم دو روزہ سرکاری دورے پر کل پاکستان پہنچیں گے
نیوز ڈیسک
November 14, 2025
اسلام آباد: اردن کے شاہ عبداللہ دوم وزیرِ اعظم محمد شہباز شریف کی دعوت پر دو روزہ سرکاری دورے پر کل پاکستان پہنچ رہے ہیں۔شاہ عبداللہ دوم کا دورہ ، پاکستان اور اردن کے درمیان دیرینہ اور برادرانہ تعلقات کی عکاسی کرتا ہے۔ دورے کا مقصد پاکستان اور اردن کے تعلقات کی اسٹریٹجک سمت کو مزید مستحکم کرنا اور ان کو ایک نئے عروج پر لے جانا ہے۔
شاہ عبداللہ دوم، صدر آصف علی زرداری اور وزیرِ اعظم محمد شہباز شریف سے اہم ملاقاتیں کریں گے۔ دونوں برادر ملکوں کے درمیان دوطرفہ تعلقات کے تمام پہلوؤں پر بات چیت کی جائے گی۔ معزز مہمان کے اعزاز میں ایوان صدر میں خصوصی تقریب کا بھی انعقاد کیا جائے گا جس میں شاہ عبداللہ دوم کو پاکستان کا سب سے بڑا شہری اعزاز پیش کیا جائے گا۔
شاہ عبداللہ دوم کا یہ دورہ پاکستان اور اردن کے تعلقات کو مزید مستحکم کرے گا اور دونوں ممالک کے درمیان دوطرفہ تعاون کے دائرہ کو وسیع کرنے میں مددگار ثابت ہوگا۔
