بھارتی کرکٹر آکاش کمار چودھری نے جارحانہ بیٹنگ کا مظاہرہ کرتے ہوئے فرسٹ کلاس کرکٹ کی تاریخ میں نیا ریکارڈ قائم کر دیا۔
آکاش کمار نے رانجی ٹرافی میں میگھالیہ اور اروناچل پردیش کے درمیان میچ میں آٹھ گیندوں پرمسلسل آٹھ چھکے لگا کر عظیم کرکٹرز سر گیری سوبرز اور روی شاستری کا برسوں پرانا ریکارڈ توڑ دیا۔
انہوں نے صرف 11 گیندوں پر فرسٹ کلاس کرکٹ کی تیز ترین نصف سنچری مکمل کرنے کا ریکارڈ بھی بنا دیا۔
پاک سری لنکا ون ڈے سیریز کے لیے میچ آفیشلز کا اعلان
میگھالیہ کی ٹیم 576 رنز پر 6 وکٹیں گنوا چکی تھی، تو 25 سالہ آکاش نمبر آٹھ پر بیٹنگ کے لیے آئے۔ ابتدائی چند گیندوں پر دو سنگلز لینے کے بعد، انہوں نے اسپنر لیمار دابی کو ایک اوور میں لگاتار چھ چھکے لگائے۔
یہ کارنامہ فرسٹ کلاس کرکٹ میں اس سے قبل صرف دو کھلاڑی سر گارفیلڈ سوبرز (1968) اور روی شاستری (1985) انجام دے چکے ہیں ، انہوں نے ایک اوور میں 6 ، 6 چھکے لگائے تھے۔
کویت کو شکست ، پاکستان نے ہانگ کانگ سکسز کا ٹائٹل جیت لیا
اگلے اوور میں آف اسپنر ٹی این آر موہت کی پہلی دو گیندوں پر بھی آکاش نے دو مزید چھکے جڑ دیئے ، اسی طرح وہ فرسٹ کلاس کرکٹ میں آٹھ لگاتار چھکے لگانے والے دنیا کے پہلے کھلاڑی بن گئے۔
