November 6, 2025
mahan air
ایرانی فضائی کمپنی ماہان ایئر (mahan air)نے اسلام آباد کے لئے اپنا فلائٹ آپریشن شروع کردیا ،ماہان ایئر اسلام آباد کے لئے ہفتہ وار براہ راست دو پروازیں آپریٹ کرے گی ۔
ماہان ایئر کی پہلی پرواز 97 مسافروں کو لیکر تہران سے اسلام آباد پہنچ گئی،ایئر پورٹ پر چیف آپریٹنگ آفیسر آفتاب گیلانی نے مسافروں کا استقبال کیا ۔
نجی ائیر لائن کے بعد پی آئی اے کو بھی برطانیہ کی پروازوں کی اجازت مل گئی
اسلام آباد ائیرپورٹ پر سادہ پروقار تقریب ہوئی جس میں اے ایس ایف کے چیف سیکورٹی آفیسر ،پاکستان ائیر پورٹ اتھارٹی سمیت ائیرلائن کی انتظامیہ نے شرکت کی۔
ائیر لائن کے فلائٹ آپریشن شروع ہونے سے ایران اور پاکستان کے درمیان مسافروں کو سفری سہولت کے ساتھ سیاحت اور تجارت کو بھی فروغ حاصل ہو گا اور زرمبادلہ میں بھی اضافہ ہوگا۔
آٹھ بڑی سرکاری،غیرسرکاری کاروباری کمپنیاں اور کنسورشیم قومی ائیرلائن خریدنے کی خواہشمند
پروازوں کے شروع ہونے سے دونوں ممالک کے درمیان رابطے بڑھیں گے۔ لوگوں کے روابط میں اضافہ ہوگا، تجارتی اور سیاحتی سرگرمیوں کو بھی فروغ حاصل ہوگا۔
بعدازاں پرواز 264 مسافروں کو لیکر تہران روانہ ہوگئی ،چیف آپریٹنگ آفیسر آفتاب گیلانی اور ایئر لائن انتظامیہ نے مسافروں کو رخصت کیا ۔
