ملک کی سرکاری جامعات میں مالی نظم و نسق کے اصولوں کی کھلی خلاف ورزی سامنے آگئی ہے جہاں بعض ادارے ایسے بینک اکاؤنٹس چلا رہے ہیں جو صرف ایک دستخط سے آپریٹ کیے جا رہے ہیں۔ ذرائع کے مطابق ان اکاؤنٹس میں کڑوروں روپے کی لین دین جاری رہی جبکہ انہیں کسی مالیاتی ریکارڈ یا آڈٹ میں ظاہر نہیں کیا گیا۔ این ای ڈی یونیورسٹی آف انجینئرنگ اینڈ ٹیکنالوجی کے وائس چانسلر ڈاکٹر طفیل نے اس صورتحال پر فوری ایکشن لیتے ہوئے تمام ایسے اکاؤنٹس کی بندش کے احکامات جاری کیے جو یونیورسٹی کے نام پر واحد دستخط سے چلائے جا رہے تھے۔ذرائع کے مطابق ڈاکٹر طفیل نے بالخصوص کنٹرولر اسٹوڈنٹ افیئرز کے نام سے چلنے والے اکاؤنٹ کی بندش کے احکامات جاری کیے جو طویلعرصے سے فعال تھا۔ حیران کن طور پر یہ اکاؤنٹ رجسٹرار کے حکم پر قائم کیا گیا تھا جبکہ ڈائریکٹر فنانس کو اعتماد میں نہیں لیا گیا۔ اکاؤنٹ علی حسن کے واحد دستخط سے آپریٹ ہوتا رہا اور یونیورسٹی کے مالیاتی گوشواروں میں کبھی ظاہر نہیں کیا گیا۔ وائس چانسلر کی ہدایت پر مذکورہ اکاؤنٹ فوری طور پر بند کر کے اس میں موجود تمام رقوم کو دوسرے اکاؤنٹ منتقل کر دیا گیا ہے۔ این ای ڈی کے رجسٹرار ڈاکٹر غضنفر نے اکاونٹ کی بندش پر موقف نہیں دیا۔
https://e.jang.com.pk/detail/984287
======================
ْنارووال، نجی سکول کاطالبعلم پستول لے آیا ، شرارتوں کے دوران گولیاں چل گئیں، تین بچے زخمی
پولیس نے سکول پرنسپل اور دو طالبعلموں کے خلاف مقدمہ درج کرلیا،زخمی طالبعلم کے والد کی مدعیت میں مقدمہ درج
ْنارووال، نجی سکول کاطالبعلم پستول لے آیا ، شرارتوں کے دوران گولیاں ..
نارووال – نارووال کے نجی سکول میں طالبعلم اپنے گھرسے پستول لے آیا ،کھیل کے دوران پستول چھینتے ہوئے اچانک گولیاں چلنے سے تین طالبعلم شدید زخمی ہو گئے جنہیں ڈسٹرکٹ ہیڈ کوارٹراینڈ ٹیچنگ سپتال منتقل کر دیا گیا پولیس نے سکول پرنسپل اور دو طالبعلموں کے خلاف مقدمہ درج کرلیا۔
بتایا گیا ہے کہ واقعہ نارووال کے نواحی قصبہ علی آباد میں پیش آیا ،پولیس ذرائع کے مطابق نویں جماعت کا طالبعلم محمد فرحان گھر سے پستول لے آیا ، کلاس روم میں پستول چھینے کے دوران گولیاں چلنے سے پندرہ سال کا محمد فرحان ،سولہ سال کا عبدالوحید اور پندرہ سال کا علی حسین شدید زخمی ہوگئے جنہیں امدادی ٹیموں نے تشوشناک حالت کے پیش نظر ڈسٹرکٹ ہیڈ کوارٹر اینڈ ٹیچنگ ہسپتال منتقل کردیا ۔
ایس ایچ او صدر نارووال محمد آصف نوید نے زخمی محمد فرحان کے والد کی مدعیت میں سکول پرنسپل محمد شہزاد دوطالبعلموں محمد عثمان اور ماجد کے خلاف مقدمہ درج کرکے تحیقیات کا آغاز کردیا ہے ۔
