اداکار و ہدایتکار دانش نواز نے انکشاف کیا ہے کہ وہ اب رمضان کے دوران ڈرامے بنانے سے اجتناب کریں گے۔
حال ہی میں احمد علی بٹ کے پوڈکاسٹ میں گفتگو کرتے ہوئے دانش نواز نے مختلف موضوعات پر اپنے خیالات کا اظہار کیا۔
انہوں نے کہا کہ فیروز خان اور دانش تیمور اکثر غصے میں بھرے یا سخت مزاج مرد کردار نبھاتے ہیں، اور ہدایتکار بھی اسی قسم کے کرداروں کے لیے سب سے پہلے انہی کے نام تجویز کرتے ہیں کیونکہ ناظرین انہیں اس انداز میں دیکھنا پسند کرتے ہیں۔
دانش نواز کے مطابق، یہ دونوں اداکار اس نوعیت کے کرداروں میں بخوبی مہارت رکھتے ہیں، اور شائقین کی پسندیدگی کے باعث ایسے کرداروں کے لیے کسی نئے چہرے کی ضرورت محسوس نہیں ہوتی۔
