پاکستانی شوبز کی اداکارہ سدرہ نیازی اپنے مداحوں کی توجہ کا مرکز بنی ہوئی ہیں، جنہیں سوشل میڈیا پر بالی ووڈ اسٹار کترینہ کیف سے تشبیہ دی جا رہی ہے۔
جیو انٹرٹینمنٹ کے ڈرامہ سیریل ’سانول یار پیا‘ میں سدرہ نیازی کے نئے لُک کی ایک ویڈیو سوشل میڈیا پر خوب وائرل ہو رہی ہے۔
اس ویڈیو میں اداکارہ کو سنہری اور مرون رنگ کی ساڑھی پہنے دیکھا جا سکتا ہے، جسے دیکھ کر مداح ان کی خوبصورتی اور نئے لُک کا موازنہ کترینہ کیف کے مشہور ’چکنی چمیلی لُک‘ سے کر رہے ہیں۔
سوشل میڈیا صارفین نے سدرہ نیازی کے اس نئے لُک پر دلچسپ اور مثبت تبصرے بھی کیے ہیں۔ زیادہ تر مداح انہیں ’پاکستانی کترینہ کیف‘ کہہ کر پکار رہے ہیں، جبکہ کچھ صارفین ان کا موازنہ فلم انڈسٹری کی دیگر معروف اداکاراؤں سے بھی کر رہے ہیں۔
