پاکستان نے جنوبی افریقا کو پہلے ایک روزہ میچ میں 2 وکٹ سے شکست دی اور سیریز میں 1-0 کی برتری حاصل کرلی۔
فیصل آباد کے اقبال اسٹیڈیم میں 17 سال بعد کھیلے گئے پہلے میچ جنوبی افریقا نے 263 رنز کا ہدف سیٹ کیا ، جو ٹیم پاکستان نے 8 وکٹ کے نقصان پر 2 گیندوں قبل حاصل کرلیا۔
پاکستان کی طرف سے سلمان علی آغا نے 62، محمد رضوان نے 55 رنز بنائے ، دیگر کھلاڑیوں میں فخر زمان 45، صائم ایوب 39،حسین طلعت22، محمد نواز 9، بابراعظم 7اور حسن نواز 1 رنز بناکر پویلین لوٹ گئے۔
میزبان ٹیم کے کپتان شاہین شاہ آفریدی 4 اور نسیم شاہ صفر رنز پر ناٹ آؤٹ رہے ، جنوبی افریقا کے نگی نگیڈی، ڈونووین فریرا اور کوربن بوش نے 2،2 وکٹ حاصل کیں۔
جنوبی افریقی ٹیم آخری اوور میں 263 رنز بناکر آؤٹ ہوگئی تھی، کوئنٹن ڈی کوک نے 63، یوہان ڈی پری ٹوریس نے 57 اور کپتان میتھیو برٹزکی نے 42 رنز کی اننگز کھیلی۔
پاکستان کی طرف سے نسیم شاہ اور ابرار احمد نے 3، 3، صائم ایوب نے 2، شاہین شاہ آفریدی اور محمد نواز نے 1، 1 وکٹ اپنے نام کی تھی۔
پہلے ون ڈے میچ میں پاکستان نے جنوبی افریقہ کے خلاف ٹاس جیت کر فیلڈنگ کا فیصلہ کیا تھا۔
سیریز کا دوسرا میچ جمعرات 6 نومبر کو جبکہ آخری مقابلہ 8 نومبر ہفتے کے روز کھیلا جائے گا۔
