چین میں یہ دنیا کا عجوبہ پہاڑ ہے جس پر ایک طرف بہار کا رنگ جھلک رہا ہے اور دوسری طرف خزاں نے اپنا رنگ جما دیا ہے۔
چین میں لوگوں نے خزاں اور بہار کا منظر ایک ساتھ دیکھا، مشرقی چین کی پہاڑی کا ایک حصہ سبز تو دوسرا حصہ سرخ اور سنہری پتوں سے ڈھک گیا ہے۔ ایک طرف بہار کی تازگی تو دوسری طرف خزاں کی چمک نظر آتی ہے۔
یہ چین کے علاقے جنان میں واقع ’زیزی ماؤنٹین‘ کا نظارہ ہے، جہاں خزاں اور بہار کا عجیب ہی سنگم بن گیا ہے، یہ دراصل خزاں کے موسم کا دل کش نظارہ ہے جس نے پہاڑ کو دو برابر حصوں میں تقسیم کر دیا ہے۔
زیزی پہاڑ کے شمال میں سرسبز و شاداب صنوبر (پائن) کے درخت ہیں، جب کہ جنوب میں بھڑکتے سرخ ’اسموک ٹری‘ یعنی وہ درخت یا جھاڑیاں جو دور سے دھوئیں کی طرح نظر آتی ہیں۔
اسے اسموک ٹری اس لیے کہا جاتا ہے کہ اس کے پھولوں کے خوشوں پر باریک ریشے دار دھاگے جیسے بال اُگتے ہیں، جو دور سے دیکھنے پر دھوئیں کے بادلوں کی طرح لگتے ہیں۔
