پاکستان نے آخری ٹی20 میں جنوبی افریقہ کو 4 وکٹوں سے شکست دے کر سیریز 2-1 سے اپنے نام کر لی۔
جنوبی افریقہ نے پہلے بیٹنگ کرتے ہوئے 140 رنز کا ہدف دیا، جسے پاکستان نے شاندار انداز میں حاصل کر لیا۔
کافی عرصے سے ناکامی کا شکار رہنے والے بابر اعظم آخرکار فارم میں لوٹے اور زبردست بیٹنگ کا مظاہرہ کرتے ہوئے 68 رنز بنائے۔ ان کے علاوہ سلمان آغا نے بھی 33 رنز کی عمدہ اننگز کھیلی۔
جنوبی افریقہ کی جانب سے کوربن بوش اور لیزاڈ ولیمز نے 2، 2 وکٹیں حاصل کیں۔
اس سے قبل جنوبی افریقہ نے مقررہ 20 اوورز میں 9 وکٹوں کے نقصان پر 139 رنز بنائے تھے، جن میں ریزا ہینڈرکس کے 34 اور کوربن بوش کے 30 رنز شامل تھے۔
پاکستان کی طرف سے شاہین آفریدی بہترین فارم میں نظر آئے اور 3 وکٹیں حاصل کیں، جبکہ فہیم اشرف اور عثمان طارق نے 2، 2 وکٹیں اپنے نام کیں۔
