وزیراعظم نے اعلان کردیا

وزیراعظم نے صنعتی اور زرعی شعبے کیلیے بجلی کی قیمت میں کمی کا اعلان کردیا

پیکیج کے تحت آئندہ تین سال، نومبر 2025 سے اکتوبر 2028 تک، صنعتوں اور کسانوں کو رعایتی نرخوں پر اضافی بجلی فراہم کی جائے گی۔ صنعتی شعبے کو 34 روپے اور زرعی شعبے کو 38 روپے فی یونٹ کے بجائے، 22 روپے 98 پیسے فی یونٹ کے رعایتی نرخ پر اضافی بجلی دی جائے گی۔

وزیرِ اعظم نے واضح کیا کہ اس پیکیج کے تحت فراہم کی جانے والی بجلی کا بوجھ نہ تو گھریلو صارفین پر ڈالا جائے گا اور نہ ہی کسی دوسرے شعبے پر۔ انہوں نے کہا کہ یہ اقدام ملکی معیشت کے استحکام، صنعت و زراعت کی ترقی، روزگار کے مواقع میں اضافے اور برآمدات بڑھانے کی جانب اہم قدم ہے۔

شہباز شریف نے کہا کہ گزشتہ برس موسمِ سرما میں دیے گئے پیکیج کے تحت صنعتی و زرعی شعبے نے 410 گیگاواٹ اضافی بجلی استعمال کی، جس سے صنعتوں کا پہیہ چلا، برآمدات میں اضافہ ہوا اور ہزاروں افراد کو روزگار ملا۔

=======

eng.jeeveypakistan.com
sports.jeeveypakistan.com

=========

============

انہوں نے مزید کہا کہ “معاشی بحران سے معاشی استحکام تک کا سفر کٹھن ضرور تھا، لیکن معاشی ٹیم کی محنت اور کاروباری برادری کے تعاون سے ممکن ہوا۔ اب ہمارا اگلا ہدف پاکستان کی معاشی خودمختاری ہے، جو انشاء اللہ جلد حاصل کر لیں گے۔”

وزیرِ اعظم نے وزیرِ بجلی سردار اویس لغاری اور ان کی ٹیم کی کاوشوں کو بھی سراہا اور کہا کہ ملکی صنعتوں اور زراعت کی ترقی کے بغیر معاشی استحکام ممکن نہیں۔ انہوں نے اس عزم کا اظہار کیا کہ حکومت کاروباری آسانیوں اور خطے میں مسابقت بڑھانے کے لیے ہر ممکن اقدامات جاری رکھے گی

=========