پاکستان کرکٹ بورڈ (پی سی بی) نے سابق بین الاقوامی امپائر ظفر اقبال پاشا صدیقی کے انتقال پر گہرے رنج و افسوس کا اظہار کیا ہے۔
پی سی بی کے اعلامیے کے مطابق ظفر اقبال پاشا نے سال 2000ء میں راولپنڈی کرکٹ اسٹیڈیم میں پاکستان اور انگلینڈ کے درمیان کھیلے گئے ون ڈے میچ میں آن فیلڈ امپائر کے طور پر ذمہ داریاں نبھائیں۔ وہ طویل عرصے تک ڈومیسٹک کرکٹ میں بھی امپائرنگ کے فرائض انجام دیتے رہے اور کرکٹ سے گہرا تعلق رکھتے تھے۔
پی سی بی نے مرحوم کے اہلِ خانہ اور عزیزوں سے دلی تعزیت کا اظہار کرتے ہوئے کہا کہ ظفر اقبال پاشا کی خدمات کو کرکٹ برادری ہمیشہ قدر کی نگاہ سے دیکھے گی۔
