ایڈیلیڈ میں بھارت اور آسٹریلیا کے درمیان سیریز کا دوسرا ون ڈے میچ کھیلا جا رہا ہے۔ سیریز میں آسٹریلیا کو 1-0 کی برتری حاصل ہے۔ اس میچ میں ایک بار پھر ویرات کوہلی بغیر کوئی رن بنائے آؤٹ ہوگئے، جس پر ان کے مداح خاصے مایوس نظر آئے۔ وہ امید کر رہے تھے کہ اپنے پسندیدہ گراؤنڈ ایڈیلیڈ میں کوہلی کوئی شاندار اننگز کھیلیں گے، مگر ایسا نہ ہو سکا۔ وہ زیویئر بارٹلیٹ کی گیند پر ایل بی ڈبلیو ہوگئے۔
روہت شرما نے عمدہ بیٹنگ کرتے ہوئے 73 رنز بنائے، جبکہ شریاس ایئر نے 61 رنز اسکور کیے لیکن وہ ایڈم زیمپا کی گیند پر آؤٹ ہوگئے۔ اس وقت بھارت کی ٹیم 33 اوورز میں 4 وکٹوں کے نقصان پر 161 رنز بنا چکی ہے۔ آسٹریلیا کی جانب سے زیویئر بارٹلیٹ نے 2، جبکہ مچل اسٹارک اور ایڈم زیمپا نے ایک، ایک وکٹ حاصل کی ہے۔
