پاکستان میں رواں سال موسم سرما میں شدید سردی پڑنے کا امکان نہیں ہے۔
محکمہ موسمیات کے مطابق نومبر، دسمبر اور جنوری میں درجہ حرارت معمول سے زائد رہ سکتے ہیں، شمالی علاقوں میں درجہ حرارت معمول سے زائد رہیں گے۔
محکمہ موسمیات نے مزید بتایا کہ رواں سال موسم سرما میں بارشیں معمول سے کم ہوں گی، جنوری کے اختتام پر بارش کا امکان ہوگا۔
محکمہ موسمیات کے مطابق بارشیں کم ہونے کے باعث فضائی معیار متاثر رہے گا، پنجاب اور بالائی سندھ میں اسموگ زیادہ رہے گی۔
محکمہ موسمیات نے مزید بتایا کہ رواں سال موسم سرما کے دوران کراچی میں بھی فضائی معیار متاثر رہے گا۔
