سلیمان احمد ہائر ایجوکیشن کمیشن ریجنل سینٹر کراچی کے انچارج مقرر
22 اکتوبر ، 2025
کراچی( سید محمد عسکری) ہائر ایجوکیشن کمیشن اسلام آباد کے 19 گریڈ کے ڈائریکٹر ناہی سلیمان احمد کو کراچی کے ریجنل سینٹر میں انچارج مقرر کردیا گیا ہے جس کا باقاعدہ نوٹیفکیشن جاری کردیا گیا ہے۔سلیمان احمد 2017 میں بھی ریجنل ڈائریکٹر کراچی کے عہدے پر تعینات ہوچکے ہیں اور ان ہی کے دور میں کراچی میں اسناد کی تصدیق کا سلسلہ شروع ہوا تھا۔ نوٹیفکیشن کے مطابق گریڈ 19 کے ڈائریکٹر اکیڈمک ڈویزن ہدایت اللہ خان کو ریجنل انچارج پشاور جب کہ گریڈ 19 کے ڈائریکٹر کوالٹی ایشورنس ڈویژن منیر احمد کو ڈائریکٹر ناہی مقرر کیا گیا ہے۔
=================
آصف آفریدی ڈیبیو پر 5 وکٹیں لینے والے معمر ترین کرکٹر بن گئے
فیضان لاکھانی
آصف آفریدی ڈیبیو پر 5 وکٹیں لینے والے معمر ترین کرکٹر بن گئے
پاکستان کے آصف آفریدی نے انگلینڈ کے چارلس میریٹ کا 92 سال پرانا ریکارڈ توڑ دیا۔
آصف آفریدی ڈیبیو پر پانچ وکٹیں لینے والے معمر ترین کرکٹر بن گئے۔ جنوبی افریقا کے خلاف راولپنڈی ٹیسٹ کے آغاز کے وقت آصف آفریدی کی عمر 38 سال 299 دن تھی۔
واضح رہے کہ انگلینڈ کے چارلس میریٹ نے 1933 میں 37 سال 332 دن کی عمر میں ڈیبیو پر پانچ وکٹیں لی تھی۔
یاد رہے کہ جنوبی افریقا کے خلاف پہلے ٹیسٹ میچ میں آصف آفریدی کو ٹیم میں شامل نہیں کیا گیا تھا، پہلا ٹیسٹ جیتنے کے بعد پاکستان ٹیم نے سیریز کے دوسرے اور آخری ٹیسٹ میچ میں آصف آفریدی کو ٹیم میں شامل کیا تھا۔
=================
سندھ بورڈز کمیٹی آف چیئرمینز (SBCC) کا اہم اجلاس کچھ دیر بعد منعقد ہوگا، چیئرمین فقیر محمد لاکھو
کراچی اجلاس چیئرمین، بورڈ آف انٹرمیڈیٹ ایجوکیشن کراچی، فقیر محمد لاکھو کی زیر صدارت منعقد ہوگا۔
کراچی اجلاس کا مقصد: ای مارکنگ، ڈیجیٹلائزیشن اور آن لائن اسناد کے اجراء پر تبادلہ خیال کیا جائے گا، چیئرمین فقیر محمد لاکھو
کراچی فقیر محمد لاکھو کی جانب سے تمام ممبران کو شرکت کی دعوت دی گئی۔ چیئرمین فقیر محمد لاکھو
کراچی اجلاس میں سندھ بھر سے تعلیمی بورڈز کے چیئرمینز شرکت کریں گے، چیئرمین فقیر محمد لاکھو
کراچی غلام حسین سھو چیئرمین، بورڈ آف سیکنڈری ایجوکیشن، کراچی، چیئرمین فقیر محمد لاکھو
حیدرآباد ڈاکٹر شجاع احمد چیئرمین، بورڈ آف انٹرمیڈیٹ اینڈ سیکنڈری ایجوکیشن، حیدرآباد، چیئرمین فقیر محمد لاکھو
لاڑکانہ خالد حسین مہر چیئرمین، بورڈ آف انٹرمیڈیٹ اینڈ سیکنڈری ایجوکیشن، لاڑکانہ، چیئرمین فقیر محمد لاکھو
سکھر ڈاکٹر زاہد علی چنڑ چیئرمین، بورڈ آف انٹرمیڈیٹ اینڈ سیکنڈری ایجوکیشن، سکھر، چیئرمین فقیر محمد لاکھو
شہید بینظیر آباد ڈاکٹر آصف علی میمن چیئرمین، بورڈ آف انٹرمیڈیٹ اینڈ سیکنڈری ایجوکیشن، شہید بینظیرآباد، چیئرمین فقیر محمد لاکھو
میرپور خاص کرنل (ر) ڈاکٹر سید محمد عالمدار رضا چیئرمین، بورڈ آف انٹرمیڈیٹ اینڈ سیکنڈری ایجوکیشن، میرپورخاص، چیئرمین فقیر محمد لاکھو
کراچی پروفیسر مشرف علی راجپوت چیئرمین، سندھ بورڈ آف ٹیکنیکل ایجوکیشن، کراچی، چیئرمین فقیر محمد
================================
جامعہ کراچی اوربائر پاکستان کے مابین زرعی پیداوار بڑھانے کے لیے مفاہمتی یادداشت پر دستخط
جامعہ کراچی اوربائر پاکستان پرائیویٹ لمیٹڈ کے مابین مفاہمتی یادداشت پر دستخط کی تقریب منگل کے روز وائس چانسلر سیکریٹریٹ جامعہ کراچی میں منعقد ہوئی۔ مفاہمتی یادداشت پر جامعہ کراچی کے وائس چانسلر پروفیسر ڈاکٹر خالد محمود عراقی اور منیجنگ ڈائریکٹر و چیف ایگزیکٹو آفیسربائر پاکستان پرائیویٹ لمیٹڈ احمد علی نے کئے۔مفاہمتی یادداشت کا مقصد پاکستان میں زرعی ترقی کو فروغ دینا، معیاری بیج، حیاتیاتی خصوصیات (Biotech Traits) اور فصلوں کے تحفظ کی جدید مصنوعات متعارف کرانا ہے۔
اس موقع پر احمد علی نے کہا کہ جامعہ کراچی کی موثر معاونت کے ساتھ بائر کی حیاتیاتی خصوصیات (Biotech Traits) مختلف فصلوں میں خوراک، چارے، اور دیگر پروسیسنگ و کاشتکاری کے لیے استعمال ہو سکیں گی، جس سے زرعی پیداوار اور غذائی تحفظ میں خاطر خواہ اضافہ ہوگا اور کسانوں سمیت عام عوام کو بھی فوائد حاصل ہوں گے۔
انہوں نے کہا کہ بائر ایک عالمی سطح پر معروف ادارہ ہے جو ٹیکنالوجی پر مبنی زرعی اوزار اور مصنوعات فراہم کرتا ہے جو زرعی پیداوار اور خوراک کے معیار کو بہتر بناتے ہیں۔ اس مفاہمتی یادداشت کے تحت بیئر، جامعہ کراچی کے شعبہ جاتی ماہرین سے بھرپور استفادہ کرے گا، جو زرعی و سائنسی شعبوں میں بہترین تحقیقی خدمات فراہم کرتے ہیں۔
احمد علی نے مزید بتایا کہ یہ معاہدہ پاکستان میں زرعی پیداوار بڑھانے کے لیے عملی اقدامات، مشترکہ تحقیقی منصوبے اور دیگر سائنسی تعاون کی بنیاد بنے گا۔ اس اشتراک سے جدید حیاتیاتی ٹیکنالوجی، نیماتولوجی، کیمیاوی و حیاتیاتی جراثیم کش ادویات کی قبولیت کو فروغ ملے گا، جو ملکی کاشتکاروں، صارفین اور زرعی صنعت کے دیگر شعبہ جات کے لیے فائدہ مند ثابت ہوگا۔
اس موقع پرآفس آف ریسرچ اینوویشن اینڈ کمرشلائزیشن جامعہ کراچی کی ڈائریکٹر ڈاکٹر سیدہ حورالعین نے کہا کہ یہ مفاہمتی یادداشت انسٹی ٹیوٹ آف انوائرنمنٹل اسٹڈیز، شعبہ زراعت و ایگری بزنس مینجمنٹ، شعبہ نباتات اور نیشنل نیماتولوجیکل ریسرچ سینٹر (NNRC) کے درمیان اشتراکی تحقیق کے لیے ایک مضبوط فریم ورک فراہم کرے گی۔
وائس چانسلر جامعہ کراچی پروفیسر ڈاکٹر خالد عراقی نے اس موقع پر کہا کہ ہم خود کو زرعی معیشت والا ملک کہتے ہیں، مگر بدقسمتی سے ہماری کارکردگی اس دعوے کی نفی کرتی ہے۔ خوراک انسان کی بنیادی ضرورت ہے اور ہمیں زرعی پالیسیوں کو جدید تقاضوں سے ہم آہنگ کرنا ہوگا تاکہ پیداوار میں کئی گنا اضافہ کیا جا سکے۔
انہوں نے مزید کہا کہ پاکستان اس وقت زرعی شعبے میں کئی چیلنجز سے دوچار ہے، اور یہ وقت ہے کہ ہم جرات مندانہ اقدامات اٹھائیں تاکہ اس اہم شعبے کو بحال کر کے ملکی پیداوار اور برآمدات کو فروغ دیا جا سکے۔
تقریب میں شعبہ نباتات، زراعت و ایگری بزنس مینجمنٹ، انسٹی ٹیوٹ آف انوائرنمنٹل اسٹڈیز اور نیشنل نیماٹولوجیکل ریسرچ سینٹر کے اساتذہ کرام کے ساتھ ساتھ مرتضیٰ قدوسی، محمد عاصم، حفصہ اور دیگر مہمانوں نے بھی شرکت کی۔
